पारदर्शक कारभारातून न्याय मिळवून द्यावा: आ. लंके

राष्ट्रवादी ग्राहक संरक्षण समितीचे अहमदनगर जिल्हा ग्रामीण अध्यक्षपदी गणेश सावंतांची वर्णी | जागतिक ग्राहक दिन साजरा पारनेर | नगर सह्याद्री  ...

राष्ट्रवादी ग्राहक संरक्षण समितीचे अहमदनगर जिल्हा ग्रामीण अध्यक्षपदी गणेश सावंतांची वर्णी | जागतिक ग्राहक दिन साजरा

पारनेर | नगर सह्याद्री 

ग्राहक देवो भव या उक्तीप्रमाणे राष्ट्रवादी ग्राहक संरक्षण समितीने ग्राहकांच्या हितासाठी पारदर्शक कारभाराच्या माध्यमातून न्याय मिळवून द्यावा, असे आवाहन आ. निलेश लंके यांनी केले.  

महाराष्ट्र प्रदेश राष्ट्रवादी काँग्रेसच्या वतीने जागतिक ग्राहक दिन साजर करण्यात आला. यावेळी अनेक नवीन चेहरांना संधी देण्यात आली असून राष्ट्रवादी काँग्रेस ग्राहक संरक्षण समितीमध्ये पारनेर तालुयाचे सुपुत्र गणेश सावंत यांची जिल्हा ग्रामीण अध्यक्ष म्हणून वर्णी लागली आहे. ग्राहकांच्या न्याय हक्कासाठी ग्राहक सौरक्षण समीतीच्या माध्यमातून ग्राहकांना मदत व्हावी. या उद्देशाने ग्राहक संरक्षण समीतीची स्थापना झाली असून नुकताच मुंबई येथे राष्ट्रवादी काँग्रेस पार्टीच्या महाराष्ट्र प्रदेशच्या आयोजनात जागतिक ग्राहक दिन मोठया जल्लोषात साजरा करण्यात आला. राष्ट्रवादी प्रदेश कार्यालय, मुंबई येथे झालेल्या दिमागदार सोहळ्यात जागतिक ग्राहक दिनाच्या दिवशी राज्यस्तरीय प्रमुख पदाधिकारी यांचा मेळावा व पद नियुक्तीचा कार्यक्रम राष्ट्रवादी काँग्रेस पार्टीचे प्रदेशाध्यक्ष जयंतराव पाटील. बसवराज पाटील सर्व सेलचे निरीक्षक घनश्याम शेलार, राष्ट्रवादी काँग्रेस पार्टीचे सरचिटणीस राष्ट्रवादी ग्राहक संरक्षण समितीचे प्रदेशाध्यक्ष माजी मंत्री सूर्यकांत गवळी राष्ट्रवादी काँग्रेस पार्टीचे प्रवक्ते.महेश चव्हाण  मा.प्रबंधक ग्राहक आयोग व वैद्य मापन बाळासाहेब झावरे, विजय देसाई (अध्यक्ष मुंबई विभाग) यांच्या सह राष्ट्रवादी ग्राहक संरक्षण समितीचे जुने नवे पदाधिकारी यांच्या सह अनेक मान्यवर मंडळीच्या उपस्थितीमध्ये जागतिक ग्राहक दिनाचा कार्यक्रम संपन्न झाला.

या कार्यक्रमामध्ये राज्यस्तरी महिला व पुरुष पदाधिकारी यांच्या  नियुक्ती केल्या गेल्या. या कार्यक्रमाच्या वेळी महाराष्ट्र स्तरातून सर्व विभागीय अध्यक्ष तसेच महाराष्ट्र उपाध्यक्ष, जिल्हाध्यक्ष यांच्या निवडी केल्या गेल्या. महाराष्ट्रातून संपूर्ण पदाधिकारी महिला पुरुषांसह खूप मोठ्या प्रमाणात उपस्थिती होते. या कार्यक्रमाचे सूत्रसंचालन लक्ष्मणजी चव्हाण व अनिता सूर्यकांत गवळी यांनी केले तर आभार दिलीप आबा भोसले यांनी मानले. ग्राहक संरक्षण समितीचे प्रदेशाध्यक्ष सूर्यकांत गवळी यांनी मान्यवरांसह सर्व कार्यकर्त्यांची ग्राहक प्रतिज्ञा घेतली.

आपल्या संघटनात्मक व ग्राहक संरक्षण समितीच्या यापूर्वी केलेल्या कामाची दखल घेत राष्ट्रवादी काँग्रेसचे जिल्हाध्यक्ष राजेंद्र फाळके यांनी केलेली शिफारस व राष्ट्रवादी काँग्रेस पार्टीचे प्रदेशाध्यक्ष जयंत पाटील यांनी गणेश सावंत यांची केलेली निवड कौतुकास्पद आहे. कष्ट करणार्‍या व पक्षाचे संघटन मजबूत करणार्‍या व्यक्तीला पक्षांनी न्याय दिला आहे असे आमदार निलेश लंके व अशोकराव सावंत यांनी सांगितले. गणेश सावंत यांच्या झालेल्या निवडीबद्दल राष्ट्रवादी काँग्रेस पार्टी पारनेर तालुयातील सर्व पदाधिकारी व हितचिंतकांकडून सावंत यांचे अभिनंदन करण्यात येत आहे.