मुंबई। नगर सहयाद्री - उपमुख्यमंत्री देवेंद्र फडणवीस यांच्या पत्नी अमृता फडणवीस यांना धमकी आणि ब्लॅकमेल केल्याच्या या प्रकरणात मोठी अपडेट अली...
मुंबई। नगर सहयाद्री -
उपमुख्यमंत्री देवेंद्र फडणवीस यांच्या पत्नी अमृता फडणवीस यांना धमकी आणि ब्लॅकमेल केल्याच्या या प्रकरणात मोठी अपडेट अली आहे. अनीक्षा जयसिंघानीने देवेंद्र फडणवीस यांच्या पत्नी अमृता फडणवीस यांना पाठवलेल्या एका संदेशात तिचे वडील शरद पवार आणि उद्धव ठाकरे यांच्या संपर्कात असल्याचे म्हटले होते, असा दावा मुंबई पोलिसांकडून सत्र न्यायालयात करण्यात आला आहे.
गेल्या काही दिवसांपूर्वी अमृता फडणवीस यांच्याकडे एका महिलेने ब्लॅकमेल करत 10 कोटी रुपयांची खंडणी मागितली होती. त्यामध्ये अनिक्षा जयसिंघानीसह तिचे वडील अनिल जयसिंघानी यांना अटक करण्यात आली होती. त्यामध्ये नुकतीच न्यायालयात सुनावणी सुरू असतांना जयसिंघानी यांच्या वकिलांनी जामीनासाठी अर्ज केला होता. त्यामध्ये अनिक्षा जयसिंघानी यांना जामीन मंजूर करण्यात आला आहे.
अनीक्षा जयसिंघानीने देवेंद्र फडणवीस यांच्या पत्नी अमृता फडणवीस यांना पाठवलेल्या एका संदेशात तिचे वडील शरद पवार आणि उद्धव ठाकरे यांच्या संपर्कात असल्याचे म्हटले होते, असा दावा मुंबई पोलिसांकडून सत्र न्यायालयात करण्यात आला आहे.अमृता फडणवीस यांना धमकी आणि ब्लॅकमेल करण्याच्या या कटात विविध राजकीय व्यक्तींचा सहभाग असण्याची शक्यता आहे, असा दावाही पोलिसांकडून करण्यात आला आहे. तसेच याची चौकशी करणे आवश्यक असल्याचेही पोलिसांनी न्यायालयाला सांगितले.
कोर्टाने सोमवारी संशयित बुकी अनिल जयसिंघानीची १४ दिवसांच्या न्यायालयीन कोठडीत रवानगी केली. जयसिंघानीला गुजरातमधून चुलत भाऊ निर्मलसह अटक करण्यात आली होती. या दोघांना सोमवारी अतिरिक्त सत्र न्यायाधीश डी.डी. आल्मले यांच्यासमोर हजर करण्यात आले.
COMMENTS