एक लाख द्या, नाहीतर मुलीचे फोटो व्हायरल करू

  अहमदनगर | नगर सह्याद्री एक लाख रूपये न दिल्यास मुलीचा अश्लिल फोटो व्हायरल करण्याची धमकी दिल्या प्रकरणी एका मोबाईल नंबर धारकाविरूद्ध गुन्हा...

 

अहमदनगर | नगर सह्याद्री

एक लाख रूपये न दिल्यास मुलीचा अश्लिल फोटो व्हायरल करण्याची धमकी दिल्या प्रकरणी एका मोबाईल नंबर धारकाविरूद्ध गुन्हा दाखल करण्यात आला आहे.

या प्रकरणी पीडित मुलीच्या वडिलांनी सायबर पोलिस ठाण्यात फिर्याद दिली आहे. त्यांच्या फिर्यादीवरून ९७३०६५८३८४ या मोबाईल नंबर धारकाविरूद्ध गुन्हा दाखल करण्यात आला आहे. पीडित मुलगी उपनगरात राहते. फिर्यादीत म्हटले की, दि. १२ मार्चला रात्री साडेनऊ ते दि. १३ मार्च रोजी साडेबारा दरम्यान मोबाईल क्रमांक ९७३०६५८३८४ यावरून पीडित मुलीस फोन करून तिचा व्हॉटसऍप नंबर हॅक करण्यात आला. त्यावर अश्लिल फोटो डीपी म्हणून अपलोड केला. फोटो डिलीट करण्यासाठी फिर्यादीने विनंती केली असता मोबाईल धारकाने तुमच्या मुलीचे अश्लिल फोटो व व्हिडीओ माझ्याकडे आहेत. तुम्ही मला १ लाख रूपये द्या, नाही तर फोटो व्हायरल करू, अशी धमकी देत खंडणी मागितली. या गुन्ह्याचा तपास सायबर पोलिस करीत आहेत.