मुलीनेच आईचे तुकडे केले.. ३ महिने टाकीत ठेवले

 मुंबई/ नगर सह्याद्री - स्त्रीला एक कोमल हृदयी समजले जाते पण एका मुलीनेच आईच्या शरीराचे तुकडे करून ते स्टीलच्या टाकीत ठेवले आणि त्यासोबत ती ...

 मुंबई/ नगर सह्याद्री -

स्त्रीला एक कोमल हृदयी समजले जाते पण एका मुलीनेच आईच्या शरीराचे तुकडे करून ते स्टीलच्या टाकीत ठेवले आणि त्यासोबत ती ३ महिने राहिली अशी भयंकर घटना मुंबईत घडली. 

 याप्रकरणी काळाचौकी पोलिसांनी हत्येचा गुन्हा दाखल करून तरूणीला अटक केली. वीणा जैन असं मृत महिलेचं तर रिंपल जैन असं अटक करण्यात आलेल्या तरूणीचं नाव आहे.“मंगळवारी रिंपलचा चुलत भाऊ तिच्या घरी पैसे देण्यासाठी गेला होता. तेव्हा वीणा जैन दिसत नसल्याने कुठं आहे, असं भावाने रिंपलला विचारलं. तर, ती कानपूरला गेल्याचं तिने म्हटलं. पण, संशय आल्याने त्याने रिंपलला दरवाजा उघडण्यास सांगितलं. जेव्हा तो घरात गेला, त्याला दुर्गंधी परसल्याचं दिसलं.”त्याने याची माहिती पोलिसांना दिली . पोलिसांनी घराची पाहणी केली असता, वस्तु सर्वत्र पसरल्या होत्या आणि दुर्गंधी  सुटली होती. तपास केला असता एका छोट्या टाकीत हात आणि पाय सापडले. याची तात्काळ माहिती वरिष्ठ अधिकाऱ्यांना देत रिंपलला ताब्यात घेण्यात आलं. , मृतदेह केईएम रुग्णालयात पाठवण्यात आला,तपासादरम्यान कटर, कोयता आणि सुरी सापडली  आहे.लालबाग परिसरातील एका चाळीत तरूणी तिच्या आईच्या मृतदेहाबरोबर गेल्या तीन महिन्यांपासून राहत होती.रिंपलने आईच्या मृतदेहाचे तुकडे केल्यानंतर दुर्गंधी लपण्यासाठी २०० परफ्यूम घेतले होते. जेव्हा विकत घेण्यासाठी बाहेर जायची, तेव्हा शेजारचे दुर्गंधीबाबत बोलायचे . तेव्हा रिंपल स्टीलच्या टाकीवर परफ्यूम फवारायाची. तसेच, शेजारी आईबाबत सातत्याने विचारत असल्याने तिने बाहेर न पडण्याचा निर्णय घेतला होता.