बापरे .... ६ वर्षीय बालिकेवर ६० वर्षाच्या थेरड्याचा अत्याचार

बीड / नगर सह्याद्री-  अंबाजोगाई येथील बर्दापूर इथे एका ६ वर्षाच्या मुलीला चॉकलेट देण्याच्या बहाण्याने एका ६० वर्षाच्या हैवानाने तिच्यावर अत्...

बीड / नगर सह्याद्री-

 अंबाजोगाई येथील बर्दापूर इथे एका ६ वर्षाच्या मुलीला चॉकलेट देण्याच्या बहाण्याने एका ६० वर्षाच्या हैवानाने तिच्यावर अत्याचार केल्याची घडली आहे. पोलिसांनी त्या हैवानाला ताब्यात घेत पोक्सो अंतर्गत गुन्हा दाखल केला आहे. या घटनेमुळे संपूर्ण परिसरात खळबळ उडाली आहे. 

बर्दापूरची पीडित मुलगी अवघी ६ वर्षांची आहे. ती पहिलीच्या वर्गात शिकत आहे. फिर्यादीनुसार २ मार्चला ती शाळेतून घरी आल्यानंतर मैत्रिणीसोबत खेळण्यासाठी बाहेर पडली.खेळून आल्यानंतर ती रात्री गप्प होती. घरच्यांनी विचारल्यानंतर माझं पोट दुखत आहे, इतकंच सांगून शांत झाली. मात्र, दुसऱ्या दिवशी पुन्हा ही चिमुकली शाळेत गेली. शाळेतही ती गप्पच होती.मग घरच्यांना वेगळाच संशय आला. चिमुकलीला पूर्ण विश्वासात घेत वडिलांनी तिला काय घडलं असं विचारल्यानंतर या चिमुकलीने मी खेळायला गेल्यानंतर विष्णू बाबुराव सांदुळे <वय वर्ष ६०>याने मला चॉकलेट देतो म्हणून सांगितलं व  त्यांच्यासोबत जुन्या घरात घेऊन गेले.तिथे माझ्यासोबत खूप घाण केलं. मला धमकी दिली की कोणाला काही सांगितलं तर मला जीवे मारतील.

त्यामुळे या चिमुकलीने आपला आवाज बंद ठेवला. या प्रकारामुळे सारेच हादरले.त्यानी पोलीस स्टेशन गाठून विष्णू सांदुळे याच्या विरोधात तक्रार दिली. पोलीसांनी  तात्काळ हे प्रकरण गांभीर्याने घेत बर्दापूर पोलीस ठाण्यात विष्णू सांदुळे यांच्या विरोधात ३७६ पोक्सो अंतर्गत गुन्हा दाखल करून त्याला ताब्यात घेतलं आहे.