पारनेर | नगर सह्याद्री टाकळी ढोकेश्वर येथील नंदकुमार झावरे पा. पतसंस्थेच्या चेअरमनपदी सिताराम खिलारी यांची तर उपाध्यक्षपदी वसंतराव सालके या...
टाकळी ढोकेश्वर येथील नंदकुमार झावरे पा. पतसंस्थेच्या चेअरमनपदी सिताराम खिलारी यांची तर उपाध्यक्षपदी वसंतराव सालके यांची बिनविरोध निवड करण्यात आली. निवडणूक निर्णय अधिकारी म्हणून गणेश औटी यांनी काम पाहिले.
मा. नंदकुमार झावरे पा.सहकारी पतसंस्थेच्या संचालक मंडळाची सन २०२२/२३ ते २०२७/२८ या कालावधीसाठी नुकतीच बिनविरोध निवडणुक पार पडली. निवड झालेल्या संचालकाची निवडणूक निर्णय अधिकारी गणेश औटी यांच्या अध्यक्षतेखाली पदाधिकारी निवडीसाठी सभा घेण्यात आली. यावेळी चेअरमनपदासाठी सिताराम खिलारी यांचा एकमेव अर्ज आला त्यांना सुचक म्हणून सुधाकर जाधव यांनी तर बाळासाहेब इघे यांनी अनुमोदन दिले. तर व्हा.चेअरमनपदासाठी वसंतराव सालके यांचा एकमेव अर्ज आला. त्यांना सुचक म्हणून डॉ. नामदेव कदम तर डॉ. रंगनाथ आहेर यांनी अनुमोदन दिले. सहाय्यक निवडणूक निर्णय अधिकारी म्हणून संस्थेचे मॅनेजर अशोकराव वाळुंज यांनी काम पाहिले.
निवडीनंतर नुतन पदाधिकार्यांचा सन्मान करण्यात आला. निवडीच्या वेळी संचालक प्राचार्य डॉ. भास्करराव झावरे, अच्युतराव जगदाळे, सुधाकर जाधव, प्राचार्य डॉ. रंगनाथ आहेर, डॉ. भाऊसाहेब खिलारी, प्राचार्य डॉ. नामदेव कदम, बाळासाहेब इघे, संचालिका प्रिया झावरे, अलका उदावंत आदी उपस्थित होते.संस्थेचे मार्गदर्शक माजी आमदार नंदकुमार झावरे पाटील यांनी सर्व नवनिर्वाचित पदाधिका-यांचे अभिनंदन केले आहे. निवडीनंतर नुतन पदाधिकार्यांनी संस्थेच्या सर्व सभासद, खातेदार हितचिंतक यांचे आभार व्यक्त केले.
COMMENTS