पती-पत्नीकडून मारहाण; 'या' ठिकाणी घडली घटना

अहमदनगर । नगर सह्याद्री- बोल्हेगाव येथे पती-पत्नीने महिलेला मारहाण केल्याची घटना 25 फेब्रुवारीला रात्री 10 वाजता घडली. या प्रकरणी रुथ नरेंद्...

अहमदनगर । नगर सह्याद्री-

बोल्हेगाव येथे पती-पत्नीने महिलेला मारहाण केल्याची घटना 25 फेब्रुवारीला रात्री 10 वाजता घडली. या प्रकरणी रुथ नरेंद्र मिसाळ (वय 28, रा. अर्जूननगर कॉलनी, बोल्हेगाव) यांनी दिलेल्या फिर्यादीवरून पुनम ईश्वर सरोदे व ईश्वर सरोदे यांच्याविरुद्ध गुन्हा दाखल करण्यात आला आहे. 

फिर्यादी घराच्या अंगणात मुलांना खेळवत असतांना अंगणात लावलेल्या झाडाला साडी बांधलेली होती. ती साडी पूनम सरोदे सोडत असताना तू का साडी सोडते, असे म्हणल्याने पुनम सरोदे हीने फिर्यादीला शिवीगाळ केली. तिच्या हातातील तांब्या फिर्यादीला मारताना तो फिर्यादीच्या मुलीच्या पायाला लागला. 

पुनम हिचे पती ईश्वर सरोदे यांनी शिवीगाळ करून फिर्यादीला दगड मारला. पुनम सरोदे हिने फिर्यादीचे केस पकडुन लाथाबुक्याने मारहाण करुन जिवे मारण्याची धमकी दिल्याचे फिर्यादीत म्हटले आहे.