औरंगाबाद / नगर सहयाद्री - औरंगाबाद शहरात एक धक्कादायक घटना घडल्याची बातमी समोर आली आहे. आज बारावीचा परीक्षेचा पहिला दिवस अन काल सिडको भागात...
औरंगाबाद / नगर सहयाद्री -
औरंगाबाद शहरात एक धक्कादायक घटना घडल्याची बातमी समोर आली आहे. आज बारावीचा परीक्षेचा पहिला दिवस अन काल सिडको भागातील गुरूनगर हौसिंग सोसायटीमध्ये राहणाऱ्या एका विद्यार्थ्याने अभ्यासाच्या खोलीत गळफास घेऊन आत्महत्या केली आहे.
वृत्तसंस्थाच्या माहितीनुसार, पोलिसांनी दिलेल्या माहितीनुसार, हा विध्यर्थी कुलभूषण गायकवाड महाविद्यालयात बारावीच्या वर्गात शिक्षण घेत होता. त्याचे वडील एका खासगी कंपनीत नोकरीला असून, एक भाऊ पुण्यात नोकरी करतो. दरम्यान बारावीच्या परीक्षा जवळ आल्याने तो या परीक्षेची तयारी करत होता. मात्र परीक्षेला अवघ्या काही तासांचा वेळ शिल्लक राहिला असताना विद्यार्थ्याने टोकाचे पाऊल उचलत आपलं आयुष्य संपवलं आहे.
रविवारी सायंकाळी जेवण केल्यानंतर तो आपल्या तिसऱ्या मजल्यावरील अभ्यासाच्या खोलीत झोपण्यासाठी गेला होता. मात्र तो सोमवारी सकाळी खाली आलाच नाही. दुपारी जेवणासाठी आजोबा त्याला बोलावण्यासाठी गेले असता, तो फासावर लटकलेला दिसला. त्यास नातेवाइकांनी बेशुद्ध अवस्थेत घाटी रुग्णालयात नेले. मात्र डॉक्टरांनी तपासून त्याला मयत घोषित केले.
विद्यार्थ्याने परीक्षेच्या तणावातूनच आत्महत्या केल्याचा अंदाज पोलिसांसह नातेवाइकांनी वर्तविला आहे. याप्रकरणी सिडको पोलिस ठाण्यात आकस्मिक मृत्यूची नोंद करण्यात आली आहे. अमन रवींद्र आहेरेवाल (वय 18, रा. एन 8, गुरूनगर हौसिंग सोसायटी) असे मृत विद्यार्थ्याचे नाव आहे.
COMMENTS