... अबब एकाच गायीच्या पोटी जन्मली ४ वासरे

सोलापूर जिल्ह्यातील मोहोळ तालुक्यातील पापरी गावात एका गायीने तब्बल चार वासरांना जन्म दिल्याची घटना नुकतीच घडली आहे.

सोलापूर/नगर सह्याद्री-

 सोलापूर जिल्ह्यातील मोहोळ तालुक्यातील पापरी गावात एका गायीने तब्बल चार वासरांना  जन्म दिल्याची घटना नुकतीच घडली आहे.     गाय आणि चार वासरे अगदी ठणठणीत आहेत.एकाच वेळी गायीने चार वासरांचा जन्म देणे ही दुर्मिळ गोष्ट आहे. 

पापरी गावातील गणेश लोंढे यांनी 2018 मध्ये लक्ष्मी नावाची गाय खरेदी केली होती.तिने पहिल्यांदा अशा पद्धतीने एकाच वेळी चार वासरांना जन्म दिला आहे. गायीचे पोषण व्यवस्थित झाल्यानेच असे झाले. ही गाय खऱ्या अर्थाने लक्ष्मी आहे, अशी प्रतिक्रिया शेतकरी गणेश लोंढे यांनी दिली. गायीने जन्म दिलेल्या चार वासरांपैकी एक नर आणि तीन कालवडी आहेत. गाय आणि ही चारही वासरे व्यवस्थित आहेत .आजपर्यंत आपण गाईला एक किंवा दोन वासरे झाल्याचे बघितले असेल पण मोहोळ तालुक्याच एकाच वेळी गायीने चार वारसांना जन्म दिल्यानं आश्चर्य व्यक्त केलं जात आहे. चार वासरांना जन्म देणारी गाय ही आपणास लाभदायक आहे असे शेतकरी गणेश लोंढे यांनी सांगितले.  या दुर्मिळ घटनेची चर्चा सध्या संपूर्ण मोहोळ तालुक्यात सुरु झाली आहे.