मुंबई । नगर सह्याद्री - राष्ट्रवादीचे आमदार धनंजय मुंडे यांच्यावर गुन्हा दाखल करण्याची मागणी करुणा मुंडे यांनी मुख्यमंत्री एकनाथ शिंदे यांच...
मुंबई । नगर सह्याद्री -
राष्ट्रवादीचे आमदार धनंजय मुंडे यांच्यावर गुन्हा दाखल करण्याची मागणी करुणा मुंडे यांनी मुख्यमंत्री एकनाथ शिंदे यांच्याकडे पत्राद्वारे केली आहे. मुख्यमंत्र्यांची भेट घेतल्यानंतर बनावट व्हिडीओ व्हायरल केल्याचा आरोप त्यांनी धनंजय मुंडे यांच्यावर केला आहे. इतकंच नाही तर धनंजय मुंडे यांचे किती मुलींसोबत संबंध आहे. याचा मी लवकर पर्दाफाश करणार आहे. असा इशाराही करुणा मुंडे यांनी दिला आहे.
धनंजय मुंडे यांनी आजपर्यंत मला फसवण्यासाठी किती प्रयत्न केले आहे. पोलिसांसमोर गाडीत रिवॉव्हर ठेवले आहे. मला माझ्या मुलांपासून सहा महिने दूरही ठेवले. माझ्यावरती जीवघेणे हल्ले झाले आहे. सहा खोट्या केसेस केल्या. षडयंत्र रचण्यासाठी वेगवेगळे लोक पाठवून माझी आर्थिक फसवणूक केली. तरीही मी हरली नाही, माझी त्यांच्यासोबतची लढाई अद्यापही सुरूच आहे.
मी मुख्यमंत्री एकनाथ शिंदे साहेबांना भेटल्यानंतर माझे बनावट व्हिडीओ व्हायरल केले आहे. आता रोज मला धमक्या दिल्या जात आहे. मानसिक त्रात दिल्या जातोय. त्यामुळे मी माझ्या स्वखर्चाने धनंजय मुंडे यांची नार्को टेस्ट करण्याची विनंती करत आहे. धनंजय मुंडे आणि मी किती खरी आणि किती खोटे आहोत, याचे दूध का दूध आणि पाणी का पाणी होईल", असंही करुणा मुंडे यांनी म्हटले आहे.
"मी ज्या ज्या मुलींचे नावे सांगेन त्या त्या मुलींसोबत धनंजय मुंडे यांचे काय संबंध आहे. त्याचा पण पर्दाफाश होईल. या सगळ्या गोष्टींची तक्रार मी DGP, मुख्यमंत्री आणि महिला आयोगाकडे केली आहे. मात्र, आतापर्यंत त्यावर काहीच कारवाई झाली नाही", असा आरोपही करुणा मुंडे यांनी केला आहे.
धनंजय मुंडेंची तक्रार देऊनही महिला आयोगाने कारवाई न केल्याने रुपाली चाकणकरांना पदावरून हटवा, अशी मागणी सुद्धा आपण राष्ट्रीय महिला आयोगाकडे करणार आहे. धनंजय मुंडेंवर गुन्हा दाखल न झाल्यास आणि रुपाली चाकणकरांना काढून न टाकल्यास मंत्रालयासमोर उपोषणाला बसू, असेही करुणा मुंडे म्हणाल्या आहे.
COMMENTS