मोठी दुर्घटना; सुखोई-30 आणि मिराज-2000 विमान कोसळले

नवी दिल्ली वृत्तसंस्था- मध्य प्रदेशातील मोरेनाजवळ सुखोई-30 आणि मिराज 2000 अशी दोन विमाने कोसळली. माहिती मिळताच बचाव पथक घटनास्थळी पोहोचले. म...

नवी दिल्ली वृत्तसंस्था-

मध्य प्रदेशातील मोरेनाजवळ सुखोई-30 आणि मिराज 2000 अशी दोन विमाने कोसळली. माहिती मिळताच बचाव पथक घटनास्थळी पोहोचले. मिळालेल्या माहितीनुसार, दोन्ही विमानांनी मध्य प्रदेशातील ग्वाल्हेर एअरबेसवरून उड्डाण केले, जेथे सराव सुरू होता. या घटनेबाबत संरक्षणमंत्र्यांनी हवाई दल प्रमुखांशी चर्चा केली आहे.

माहिती देताना मुरैनाचे जिल्हाधिकारी म्हणाले की, जेट विमान पहाटे साडेपाच वाजता कोसळले. दोन्ही पायलट सुखरूप बाहेर पडले. या अपघातानंतर हवाई दलाने या प्रकरणाची चौकशी करण्यासाठी कोर्ट ऑफ इन्क्वायरी स्थापन केली आहे. दोन्ही विमाने एकमेकांवर आदळली की आणखी काही कारणामुळे अपघात झाला  याची चौकशी केली जाणार आहे. मिळालेल्या माहितीनुसार, अपघातादरम्यान सुखोई 30 मध्ये दोन पायलट होते तर मिराज 2000 मध्ये एक पायलट होता. दोन पायलट सुरक्षित असल्याचे सांगण्यात येत आहे तर हवाई दलाचे हेलिकॉप्टर तिसऱ्या पायलटच्या ठिकाणी पोहोचले आहे.

एका वृत्तसंस्थाच्या माहितीनुसार राजस्थानच्या भरतपूर जिल्ह्यात शनिवारी सकाळी चार्टर्ड विमान कोसळले. जिल्हाधिकारी अशोक रंजन यांनी दुजोरा दिला आहे. पोलिस आणि प्रशासकीय अधिकारी घटनास्थळी पाठवण्यात आल्याचे त्यांनी सांगितले. जीवितहानी झाल्याची कोणतीही माहिती अजून मिळालेली नाही. भरतपूरच्या उचैन पोलीस ठाण्याच्या हद्दीत ही घटना घडली. तांत्रिक बिघाडामुळे हा अपघात झाल्याचे सांगण्यात येत आहे. हे विमान हवाई दलाचे आहे की लष्कराचे हे अद्याप निश्चित झालेले नाही. 

मध्य प्रदेशातील मोरेना येथे हवाई दलाची दोन लढाऊ विमाने सुखोई-३० आणि मिराज २००० कोसळल्याची दुर्घटना घडली आहे. या घटनेची माहिती मिळताच बचाव पथक घटनास्थळी पोहोचले असून पुढील कारवाई करत आहेत. संरक्षण सूत्रांनी दिलेल्या माहितीनुसार या दोन्ही विमानांनी मध्य प्रदेशातील ग्वाल्हेर एअरबेसवरून उड्डाण केले. याठिकाणी सराव सुरू होता अशी माहिती आहे. या घटनेबाबत संरक्षणमंत्र्यांनी हवाई दल प्रमुखांशी चर्चा केली आहे.

मध्य प्रदेशचे मुख्यमंत्री शिवराज सिंह चौहान यांनी या विमान दुर्घटनेवर दु:ख व्यक्त केले आहे आणि पायलट सुरक्षित असावेत यासाठी प्रार्थना केली आहे. ते ट्वीट करून म्हणाले की, "मोरेनाच्या कोलारसजवळ वायुदलाचे सुखोई-३० आणि मिराज-२००० विमान दुर्घटनाग्रस्त झाल्याची अत्यंत दुखद बातमी आहे. वायुसेनेला सहकार्य करण्याचे निर्देश देण्यात आले आहे. विमानांचे पायलट सुरक्षित असावेत अशी देवाकडे प्रार्थना करतो."