वाद स्पर्धा विद्यार्थ्यांच्या जीवनात उपयुक्त : आ. जगताप

सारडा महाविद्यालयाच्या वाद स्पर्धेत न्यू आटर्स व नगर कॉलेज विजेते अहमदनगर | नगर सह्याद्री जिल्ह्याचा नामांतराचा वाद आता नव्याने निर्माण झाला...

सारडा महाविद्यालयाच्या वाद स्पर्धेत न्यू आटर्स व नगर कॉलेज विजेते

अहमदनगर | नगर सह्याद्री

जिल्ह्याचा नामांतराचा वाद आता नव्याने निर्माण झाला आहे. पण जिल्हा विभाजन झाल्याशिवाय नामांतर नको अशी भूमिका मी घेतली आहे. जिल्हा विभाजना शिवाय दक्षिण भागाचा विकास होणे शय नाहीये. त्यामुळे या मुद्यावर वादावर चर्चा होणे गरजेचे आहे. त्याशिवाय हा विषय सुटणार नाही. सर्वत्र सर्वच विषयांमध्ये मोठ्याप्रमाणात वाद होत असतात. आपले म्हणणे प्रभावीपणे कसे मांडायचे याचे तंत्र शिकवणार्‍या वाद स्पर्धेचे आयोजन करून सारडा महाविद्यालयाने चांगले काम केले आहे. विद्यार्थ्यांना जीवनात निश्चीतच ही स्पर्धा उपयुक्त ठरेल, असे प्रतिपादन आ.संग्राम जगताप यांनी केले.

पेमराज सारडा महाविद्यालयाने घेतलेल्या राज्यस्तरीय शारदा व ज्ञानेश्वर करंडक वाद स्पर्धेतील विजेत्या संघांना आ.संग्राम जगताप यांच्या हस्ते रौप्य करंडक व रोख पारितोषिके देण्यात आली. कार्यक्रमाच्या अध्यक्षस्थानी हिंद सेवा मंडळाचे अध्यक्ष प्रा.शिरीष मोडक होते. यावेळी संस्थेचे कार्याध्यक्ष अ‍ॅड.अनंत फडणीस, महाविद्यालयाचे चेअरमन सुमतीलाल कोठारी, माजी कार्याध्यक्ष अजित बोरा, उपाध्यक्ष सुहास मुळे, प्रा.मधुसूदन मुळे, प्रा.ज्योती कुलकर्णी, प्राचार्य डॉ.माहेश्वरी गावित आदींसह प्राध्यापक, परिक्षक, विद्यार्थी व सहभागी संघ उपस्थित होते.

प्रा.शिरीष मोडक म्हणाले, महाविद्यालयांमध्ये परिक्षा सुरु असल्या तरीही अनेक महाविद्यालयांचे संघ परिक्षा देवून या स्पर्धेत सहभागी झाले हेच या स्पर्धेचे मोठे यश आहे. व्यक्तीमत्व खुलवणार्‍या या स्पर्धेत विद्यार्थ्यांनी चौफेर दृष्टीकोन ठेवून सहभागी व्हावे.

अ‍ॅड.अनंत फडणीस म्हणाले, वक्ता दशसहस्त्रेषु असतो. म्हणून वत्कृत्व ही उत्कृष्ट कला आहे. विचारांना प्रगल्भता देणारी ही वाद स्पर्धा आहे. महाविद्यालयीन जीवनात अनेकदा अशा स्पर्धांमध्ये सहभागी झाल्यानेच वकिली पेशा स्वीकारला आहे.

प्राचार्य डॉ.माहेश्वरी गावित म्हणाल्या, शारदा व ज्ञानेश्वर करंडक वाद स्पर्धेसाठी ज्वलंत व चिंतनात्मक विषय दिले होते. यावर चांगली साधकबाधक चर्चा झाली असून सहभागी विद्यार्थ्यांनी उस्फूर्तपणे आपले विचार मांडले.

स्पर्धा संयोजक प्रा.राजेंद्र देशमुख यांनी प्रास्ताविक केले. प्रा.जयश्री पवार यांनी आभार मानले. कार्यक्रमास उपप्राचार्य मिलिंद देशपांडे, उपप्राचार्य डॉ.मंगला भोसले, पर्यवेक्षक प्रा.डॉ.स्मिता भुसे, पर्यवेक्षक डॉ.सुजित कुमावत, प्रबंधक श्री. अशोक असेरी, सहाय्यक सचिव बी.यू.कुलकर्णी आदी उपस्थित होते. स्पर्धेचा सविस्तर निकाल असा :- ज्ञानेश्वर करंडक सांघिक प्रथम अद्वैता सुद्रिक व साक्षी वाघ अहमदनगर कॉलेज रौप्य करंडक व ५००१ रु, द्वितीय सिद्धी दुंधव व तनुजा निमसे जनता विद्यामंदिर कान्हूर पठार रौप्य करंडक व ३००१ रु., तृतीय शीतल खोडदे व साक्षी कराळे रुपीबाई बोरा ज्युनिअर कॉलेज रौप्य करंडक व २१०० रु. वैयक्तिक पारितोषिके प्रथम शीतल खोडदे, द्वितीय अद्वैता सुद्रिक व तृतीय साक्षी वाघ, उत्तेजनार्थ सायली लहाने, स्वराली फलके, व साक्षी बर्गे

शारदा करंडक सांघिक प्रथम अनिकेत डमाळे व महेश उशीर न्यू आर्ट्स महाविद्यालय नगर रौप्य करंडक व रु. ५००१, द्वितीय रोहन चव्हाण व ओम जाधव बलभीम महाविद्यालय बीड रौप्य करंडक व ३००१ रु., तृतीय संध्या गिधाड व नितीन गागरे रौप्य करंडक व २१०० रु. वैयक्तिक पारितोषिके प्रथम अनिकेत डमाळे, द्वितीय रोहन चव्हाण, तृतीय प्रणाली पाटील.