कोल्हापूर / नगर सहयाद्री - कोल्हापूर येथून एक धक्का दायक घटना घडली आहे. एका सावकाराने कर्ज न फेडल्याने महिलांना अपशब्द वापरत धमकी दिली आहे. ...
कोल्हापूर / नगर सहयाद्री -
कोल्हापूर येथून एक धक्का दायक घटना घडली आहे. एका सावकाराने कर्ज न फेडल्याने महिलांना अपशब्द वापरत धमकी दिली आहे. तसेच कर्ज वसुलीसाठी येथील महिलांना गुंडांकडून मारहाण करण्यात आली आहे.
एका वृत्त संस्थाच्या मिळालेल्या माहितीनुसार, कर्ज फेडा अन्यथा वेश्याव्यवसाय करायला लावू अशी धमकी या सावकाराने दिली आहे. तसेच कर्ज वसुलीसाठी गुंडांकडून महिलांना मारहाण करण्यात आली आहे. महिलांनी सावकाराकडून 25 लाख रुपयांच कर्ज घेतलं होतं. त्यावर आता सावकार जबरदस्तीने 85 लाख रुपयांची वसुली करण्याचा प्रयत्न करत आहे.
वसुलीसाठी गुंड पाठवून दहशत पसरवण्याचा प्रयत्न केला जात आहे. महिलांच्या सुरक्षेसाठी एकीकडे लोक आंदोलने आणि कायदे कठोर करत आहेत. मात्र दुसरीकडे अशा नराधमांमुळे महिलांना मोकळा श्वास घेणे अशक्य झाले आहे.
पीडित महिलांनी दिलेल्या माहितीनुसार, सावकार अशा पद्धतीने त्रास देत असल्याने त्यांनी पोलिसांत धाव घेतली. मात्र तिथे त्यांना कागदपत्र सादर करा असे सांगून निघून जाण्यास सांगितले. पोलीस प्रशासन सहकार्य करत नसल्याचं महिलांच म्हणणं आहे. सावकाराने पाठलेल्या गुंडांकडून त्यांच्या घरातील सामानाचे देखील नुकसान करण्यात आले आहे. या धक्कादायक घटनेमुळे सर्वत्र एकच खळबळ उडाली आहे.
COMMENTS