मुंबई / नगर सहयाद्री- केंद्रीय मंत्री नारायण राणे यांनी ठाकरे गटाचे खासदार संजय राऊत यांच्यावर जळजळीत शब्दात टीका केली आहे. उद्धव ठाकरेंना भ...
मुंबई / नगर सहयाद्री-
केंद्रीय मंत्री नारायण राणे यांनी ठाकरे गटाचे खासदार संजय राऊत यांच्यावर जळजळीत शब्दात टीका केली आहे. उद्धव ठाकरेंना भेटणार असल्याचं त्यांनी सांगितलं आहे. शिवाय या भेटून संजय राऊत यांच्याबाबत मोठा गौप्यस्फोट करणार आहे. मातोश्रीबद्दल संजय राऊतांची भूमिका योग्य नाही, असं राणे यांचं म्हणणं आहे.
उद्धव ठाकरेंना भेटून असं काही मी गोष्टी सांगणार आहे. त्यामुळे संजय राऊत चपलेने मार खाणार, असं नारायण राणे म्हणालेत.
“एक ना एक दिवस मी उद्धव ठाकरेंना भेटणार आहे. मी खासदार झालो तेव्हा संसदेत असताना राज्यसभेत संजय राऊत माझ्या बाजूला येऊन बसायचा. उद्धव ठाकरे आणि रश्मी ठाकरेंबद्दल जे काही सांगायचा ते मी उद्धव ठाकरेंना भेटून सांगणार आहे. ते सांगितल्यानंतर रश्मी आणि उद्धव ठाकरेंनी त्यांना चपलेने नाही मारलं तर बघा…”, असं नारायण राणे म्हणाले आहेत.संजय राऊत यांनी शिवसेना संपवण्याची सुपारी घेतली असल्याचा आरोपही नारायण राणेंनी केला आहे.
भाजप आमदार राम कदम यांच्याकडून काशी यात्रेकरुंसाठी खास सोय करण्यात आली. ही यात्रा मोफत उपलब्ध करून देण्यात आली. त्याला नारायण राणे यांनी या ट्रेनला हिरवा झेंडा दाखवला. यावेळी बोलताना राणे यांनी राऊतांवर प्रतिक्रिया दिली आहे.
COMMENTS