पाकिस्तानी तरुणीने डेटिंग अँपद्वारे केले युपीच्या माणसाशी लग्न; दोघांना अटक

बेलंदूर येथे एका १९ वर्षीय पाकिस्तानी तरुणीला बेकायदेशीरपणे भारतात राहण्याच्या आरोपाखाली शुक्रवारी अटक करण्यात आली.

नवी दिल्ली / नगर सह्याद्री - 

बेलंदूर येथे एका १९ वर्षीय पाकिस्तानी तरुणीला बेकायदेशीरपणे भारतात राहण्याच्या आरोपाखाली शुक्रवारी अटक करण्यात आली. पोलिसांनी दिलेल्या माहितीनुसार, इकरा जीवनी नावाच्या या तरुणीने उत्तर प्रदेशातील २५ वर्षीय सुरक्षा रक्षक मुलायम सिंह यादव याच्याशी डेटिंग अँपद्वारे भेटली आणि दोघांनी काही महिन्यांपूर्वी लग्न केले.

इकराला यादवने नेपाळला बोलावले आणि नंतर भारत-नेपाळ सीमा ओलांडून बिहारमधील बीरगंज आणि नंतर पाटणा येथे पोहोचले. त्यानंतर हे जोडपे बेंगळुरूला गेले आणि जुन्नसांद्रा येथील अयप्पा मंदिराजवळ भाड्याच्या घरात राहायला लागले, जिथे यादव सुरक्षा रक्षक म्हणून सप्टेंबर २०२२ पासून काम करू लागला.

यादवने इक्राचे नाव बदलून रवा यादव असे केले आणि तिचे आधार कार्डही बनवले. यांनी भारतीय पासपोर्टसाठीही अर्ज केला होता. इकरा तिच्या पाकिस्तानमधील कुटुंबाशी संपर्क साधण्याचा प्रयत्न करत असतांना केंद्रीय गुप्तचर यंत्रणांना ती भेटली तेव्हा हे प्रकरण उघडकीस आले. 

इक्राला नंतर एफआरआरओ अधिकार्‍यांकडे सोपवण्यात आले, त्यांनी नंतर तिला राज्य महिला गृहात पाठवले आणि या प्रकरणाची अधिक चौकशी करत असून, ती कोणत्याही हेरगिरी रॅकेटचा भाग आहे की नाही हे तपासण्यासाठी पोलिस इक्राची पार्श्वभूमी तपासत आहेत.