मराठी भाषेचा अभिमान प्रत्येकाने बाळगावा: न्यायाधीश कंक

कौटुंबिक न्यायालयात मराठी भाषा संवर्धन पंधरवडा जागृती कार्यशाळा उत्साहात  अहमदनगर | नगर सह्याद्री- जगामध्ये मराठी भाषेचे महत्व खूप मोठे आहे....

कौटुंबिक न्यायालयात मराठी भाषा संवर्धन पंधरवडा जागृती कार्यशाळा उत्साहात 

अहमदनगर | नगर सह्याद्री-

जगामध्ये मराठी भाषेचे महत्व खूप मोठे आहे. तरी प्रत्येकाने मराठी भाषेचा अभिमान बाळगला पाहिजे. आपण मराठी भाषेत जन्म घेऊन सुद्धा मराठी भाषा विसरत चाललो आहे. मराठी भाषेचा न्यायालयाच्या कामकाजामध्ये जास्तीत जास्त कसा वापर होईल यासाठी मी काम करत आहे. न्यायालयात दावा मराठी किंवा इंग्रजी भाषेत आला तर त्या भाषेतच निर्णय दिले जातात. मराठी भाषेत निर्णय देणे तितके सोपे काम नाही. वकिलांनी मराठी भाषेत बोलले तर कामकाजही मराठीत होईल मराठी भाषेचा वापर न्यायालयात जास्तीत जास्त व्हावा यासाठी न्यायमूर्ती अभय ओक यांनी पुढाकार घेतला होता. जास्तीत जास्त न्यायालयीन कामकाज मराठी भाषेत केले जाईल असे प्रतिपादन कौटुंबिक न्यायालय न्यायाधीश नेत्रा कंक यांनी केले.

प्रा. मेधाताई काळे म्हणाले की, मराठी भाषा ही विकासाचे व संस्कृतीचे माध्यम आहे. भाषेवरून मनुष्याचे व्यक्तिमत्व सिद्ध होते. मराठी भाषेला अभिजात भाषेचा दर्जा मिळाला आहे. मराठी भाषेला दोन हजार वर्षाचा इतिहास आहे. यादव काळामध्ये ग्रंथ निर्माण झाले. त्यातून मराठी भाषा पुढे आली मराठी भाषा ही विविध भाषेतील शब्दातून व व्याकरणातून निर्माण झाली आहे. संत साहित्यातून मराठी भाषेचे जतन केले. मराठी भाषा वाढविण्याचे काम संतांनी केले आहे. त्यांचे कार्य खूप मोठे आहे. मराठी भाषेबद्दल प्रत्येकाने अभिमान बाळगणे गरजेचे आहे. आजच्या युवा पिढीला मराठी भाषेचा वापर करण्यासाठी जनजागृतीची खरी गरज आहे असे त्या म्हणाल्या. 

प्राचार्य चं.वि.जोशी म्हणाले की, भाषा संपली की समाज व राष्ट्र संपला जातो आत्ता मराठी किती टक्के बोलली जाते. याचा अभ्यास होणे गरजेचा आहे. प्रत्येकाने आपल्या भाषेचा अभिमान बाळगून मराठीतूनच बोलणे गरजेचे आहे न्यायालयीन कामकाजही मराठीतून झाल्यास नागरिकांना समजले जाईल असे ते म्हणाले. कराळे म्हणाले की, मराठी भाषा ही संतांची भाषा आहे. तिचा झेंडा सर्व दूर अडके पार घेऊन जायचं आहे. यासाठी सर्वांनी मराठी भाषेचा वापर जास्तीत जास्त करावा. न्यायालयीन कामकाज नागरिकांना सोप्या पद्धतीने समजावे. यासाठी मराठी भाषेचा वापर जास्तीत जास्त केला जाईल मराठी भाषा ही गोड भाषा असून तिचा वापर युवकांनी आपल्या दररोजच्या जीवनामध्ये करावा असे ते म्हणाले.प्रास्ताविक लक्ष्मण कचरे यांनी केले तर आभार प्रदर्शन शिवाजी सांगळे यांनी मांडले.

कौटुंबिक न्यायालय अहमदनगर व फॅमिली कोर्ट अ‍ॅड. बार असोसिएशन अहमदनगर यांच्या संयुक्त विद्यमानाने मराठी भाषा संवर्धन पंधरवडा जागृती कार्यशाळा संपन्न झाली. यावेळी कौटुंबिक न्यायालय न्यायाधीश नेत्रा कंग, फॅमिली कोर्ट एडवोकेट बार असोसिएशनचे अध्यक्ष अ‍ॅड. शिवाजीराव कराळे, प्रा.डॉ.मेघा काळे, मा. प्रा. डॉ. चं.वि.जोशी, उपाध्यक्ष अ‍ॅड. लक्ष्मण कचरे, राजेश कावरे, शिवाजी सांगळे, राजाभाऊ शिर्के, अशा गोंधळे, कसला शिंदे, सचिन दरेकर, प्रणय आपटे, रोहित कळमकर, निलेश खैरे, रामेश्वर कराळे, शारदा लगड, सुरेश लगड, अभिजीत पुपाल, पिंटू पाटोळे, हरीश टेमकर, लक्ष्मण गोरे, प्रियंका शिंदे, समुपदेशक सुषमा बिडवे, आदी उपस्थित होते.