भारतीय क्रिकेटपटू अक्षर पटेलने गुरुवारी वडोदरा येथे मेहा पटेलसोबत लग्नगाठ बांधली.
नवी दिल्ली / नगर सह्याद्री -
भारतीय क्रिकेटपटू अक्षर पटेलने गुरुवारी वडोदरा येथे मेहा पटेलसोबत लग्नगाठ बांधली. टीम इंडियाचा अष्टपैलू खेळाडू त्याच्या लग्नामुळे न्यूझीलंडविरुद्धच्या एकदिवसीय मालिकेत सहभागी झाला नव्हता. अक्षरने त्यांच्या लग्नाचे कोणतेही फोटो किंवा व्हिडिओ शेअर केले नसले तरी ट्विटरवरील अनेक चाहत्यांनी त्यांच्या संस्मरणीय दिवसातील काही फोटो शेअर केली आहेत.
मेहा आणि अक्षर बऱ्याच दिवसांपासून रिलेशनशिपमध्ये असल्याची चर्चा होती. मेहा पटेल या व्यवसायाने आहारतज्ञ आणि पोषणतज्ञ आहेत. त्या डायटशी संबंधित माहिती लोकांशी शेअर करते. मेहा इन्स्टाग्रामवर देखील चांगलीच सक्रिय असते.
रवींद्र जडेजाच्या दुखापतीनंतर अक्षर पटेलला भारतीय संघात कायम ठेवण्यात आले आहे. आपल्या गोलंदाजीमुळे चर्चेत असलेल्या अक्षरने या काळात फलंदाजीतही छाप पाडली. लग्नानंतर अक्षर पटेल ऑस्ट्रेलियाविरुद्धच्या कसोटी मालिकेतून टीम इंडियात परतणार आहे. मात्र, रवींद्र जडेजा तंदुरुस्त असल्याने अक्षरला आगामी काळात भारतीय संघात आपले स्थान टिकवून ठेवणे सोपे जाणार नाही.
COMMENTS