गेल्या २४ तासात कोरोना रुग्णाची संख्या; जाणून घ्या

गेल्या २४ तासात भारतात १७३ कोरोना रुग्ण आढळले असून, २ जणांचा मृत्यू झाला आहे.

नवी दिल्ली / नगर सह्याद्री -

गेल्या २४ तासात भारतात १७३ कोरोना रुग्ण आढळले असून, २ जणांचा मृत्यू झाला आहे. देशातील एकूण संक्रमित लोकांची संख्या ४,४६,७८,८२२ वर पोहोचली आहे. तर देशातील एकूण मृतांची संख्या ५,३०,७०७ वर पोहोचली आहे. यात मृत्यूचे प्रमाण १.१९% आहे.

२४ तासांच्या कालावधीत कोविड-१९ चे २,६७० सक्रिय रुग्ण आढळले आहेत. जे कालच्या संख्येपेक्षा ३६ रुग्णांनी घट झाली आहे. एकूण संक्रमितांच्या तुलनेत हे प्रमाण ०.०१% आहे. 

गेल्या २४ तासात कोरोनाचे २०७ रुग्ण बरे झाले असून, रुग्णांचा राष्ट्रीय बरा होण्याचा दर ९८.८०१% झाला आहे. तर एकूण बरे झालेल्यांची संख्या ४,४१,४५,४४५ आहे. 

०२ नवीन मृत्यूंमध्ये केरळ आणि उत्तराखंडमधील प्रत्येकी एकाचा समावेश आहे.  

कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २२०,१०,७७,१९२ कोटींहून अधिक डोस देण्यात आले आहेत.