तुम्ही गोव्यात सुट्टीला जातात? तर जाणून घ्या गोवा सरकारच्या नवीन सूचना

गोव्यात गेल्यावर पर्यटकांसोबत त्यांच्या परवानगीशिवाय सेल्फी काढू नका, अन्यथा तुम्हाला अडचणीचा सामना करावा लागू शकतो.

नवी दिल्ली / नगर सह्याद्री - 

गोव्यात गेल्यावर पर्यटकांसोबत त्यांच्या परवानगीशिवाय सेल्फी काढू नका, अन्यथा तुम्हाला अडचणीचा सामना करावा लागू शकतो. गोवा सरकारच्या पर्यटन मंत्रालयाने एक सूचना (ऍडव्हायझरी) जारी केली आहे. पर्यटकांची गोपनीयता लक्षात घेऊन सरकारने या सूचना दिल्या आहेत. गोव्याला भेट देणार्‍या पर्यटकांसोबत किंवा त्यांच्या परवानगीशिवाय कोणत्याही अनोळखी व्यक्तीसोबत सेल्फी घेऊ नका, असे या सूचनेत म्हटले आहे. त्यांच्या गोपनीयतेचा आदर करा. पर्यटकांच्या सुरक्षेसाठी आणि त्यांची फसवणूक होण्यापासून वाचण्यासाठी ही कारवाई करण्यात आली आहे.

गोव्याच्या पर्यटन मंत्रालयाने गुरुवारी ही अधिसूचना जारी केली आहे. ऍडव्हायझरीमध्ये उंच टेकड्या किंवा सी हिलसारख्या धोकादायक ठिकाणांवरून सेल्फी घेण्यावरही बंदी घालण्यात आली आहे. यासोबतच वारसा स्थळांचे नुकसान किंवा छेडछाड न करण्याच्या सूचनाही पर्यटकांना देण्यात आल्या आहेत. तसेच कोणत्याही बेकायदेशीर खाजगी टॅक्सी भाड्याने घेऊ नका आणि जास्त पैसे देणे टाळण्यासाठी टॅक्सी चालकांना मीटरने जाण्यास सांगा.

पर्यटन मंत्रालयाने विभागाला नोंदणीकृत हॉटेल आणि व्हिलामध्ये राहण्यास सांगितले आहे. उघड्यावर दारू पिऊ नका. दरवर्षी लाखो लोक गोव्याला भेट देण्यासाठी येतात. अशा स्थितीत परिवहन विभागाकडून नोंदणीकृत वाहनेच भाड्याने घेण्याच्या सूचना शासनाने दिल्या आहेत. हॉटेल स्टे आणि वॉटर स्पोर्ट्ससाठी बेकायदेशीर एजंट ठेवू नका आणि नोंदणीकृत एजंटचीच मदत घ्या. पर्यटन विभागानेही उघड्यावर स्वयंपाक करण्यास बंदी घातली आहे. असे केल्यास ५०,००० रुपयांचा दंडही आकारला जाईल.