काळाचा घात आई-वडील घरात अन् खेळणाऱ्या चिमुकल्यावर...

औरंगाबाद / नगर सहयाद्री - हर्सूल परिसरातील फातेमानगर येथे ही धक्कादायक घटना घडली. घराबाहेर खेळत असताना विद्युत पोलला स्पर्श झाल्याने विजेचा ...

औरंगाबाद / नगर सहयाद्री -

हर्सूल परिसरातील फातेमानगर येथे ही धक्कादायक घटना घडली. घराबाहेर खेळत असताना विद्युत पोलला स्पर्श झाल्याने विजेचा धक्का बसून ३ वर्षीय चिमुकल्याचा मृत्यू झाला आहे. ही घटना २६ जानेवारी रोजी संध्याकाळी हर्सूल परिसरातील फातेमानगर येथे घडली.

या प्रकरणी मिळालेल्या माहितीनुसार, मृत मुलाचे वडील शहरातील एका ट्रॅक्टर कंपनीत हेल्पर म्हणून काम करतात, तर आई गृहिणी आहे. प्रजासत्ताक दिनाच्या संध्याकाळी  घराबाहेरील पटांगणात तो  खेळत होता. तर आई-वडील घरात होते. दरम्यान खेळताना घरासमोरील विद्युत खांबाला नाजिमचा स्पर्श झाला. विजेचा धक्का बसल्याने तो जमिनीवर पडला. हा प्रकार शेजाऱ्यांनी पहिला आणि आरडाओरड केली. त्यानंतर  आई-वडिलांनीही घराबाहेर धाव घेतली.

बेशुद्ध अवस्थेत पडलेल्या नाजिमला तातडीने घाटी रुग्णालयात उपचारासाठी हलवण्यात आलं. मात्र तोपर्यंत खूप उशीर झाला होता. डॉक्टरांनी तपासून त्यास मृत घोषित केले. चिमुकल्याचा अशा पद्धतीने दुर्दैवी मृत्यू झाल्याने परिसरात हळहळ व्यक्त करण्यात येत आहे.