सुनील शेट्टीच्या खंडाळ्यातील टेकड्यांमध्ये असलेल्या बंगल्यात दोघांच्या लग्नाचे विधी पार पडणार आहेत.
मुंबई / नगर सह्याद्री -
अथिया शेट्टी आणि केएल राहुल त्यांच्या लग्नाच्या बातम्या बऱ्याच दिवसांपासून चर्चेत आहेत. अनेकदा दोघांच्या लग्नाशी संबंधित काही अपडेट्स समोर येत राहतात. त्याचवेळी, या महिन्यानंतर दोघेही लग्न करू शकतात, अशी बातमी समोर येत आहे. तरीही दोघांच्या लग्नाची तारीख जाहीर झालेली नाही.
मीडिया रिपोर्ट्सनुसार, सुनील शेट्टीच्या खंडाळ्यातील टेकड्यांमध्ये असलेल्या बंगल्यात दोघांच्या लग्नाचे विधी पार पडणार आहेत. रिपोर्ट्सनुसार, केएल राहुल-अथिया शेट्टीचे घर रणबीर-आलियाच्या वांद्रेतील घरापासून दोन इमारती दूर असेल.
एवढेच नाही तर लग्नानंतर एप्रिलमध्ये त्यांचे ग्रॅण्ड रिसेप्शन होणार असल्याचे बोलले जात आहे. हे एखाद्या खाजगी कार्यक्रमासारखे असेल, ज्यामध्ये क्रिकेट जगत, बॉलीवूड आणि काही व्यावसायिक मित्र उपस्थित राहतील अशी अपेक्षा आहे.
आथिया आणि केएल राहुल अनेकदा सोशल मीडियावर एकमेकांसोबत मस्ती करतानाचे फोटो शेअर करतात. नुकतेच नववर्ष साजरे करण्यासाठी दोघेही दुबईत पोहोचले होते. याचे फोटोही त्यांनी सोशल मीडियावर शेअर केले आहेत.
COMMENTS