हळदी कुंकू कार्य्रकम महिलांना पडला महागात

  महिलांच्या दागिण्यांवर चोरट्यांनी मारला डल्ला  अहमदनगर । नगर सह्याद्री  हळदी-कुंकूवाच्या कार्यक्रमासाठी घराबाहेर पडलेल्या दोन महिलांच्या ग...

 

महिलांच्या दागिण्यांवर चोरट्यांनी मारला डल्ला 

अहमदनगर । नगर सह्याद्री 

हळदी-कुंकूवाच्या कार्यक्रमासाठी घराबाहेर पडलेल्या दोन महिलांच्या गळ्यातील सोन्याचे दागिने दुचाकीवरून आलेल्या चोरट्यांनी लंपास केले. सोमवारी रात्री कोतवाली व तोफखाना हद्दीत या घटना घडल्या. 

मकर संक्रांतीनिमित्त ठिकठिकाणी हळदी-कुंकूवाचा कार्यक्रम असतो. यासाठी दागिने घालूनच महिला घराबाहेर पडतात. याचा फायदा सोनसाखळी चोरटे घेत आहेत. वैशाली राकेश बोगावत (वय 33 रा. सिव्हिल हाडको, क्रांती चौक) सोमवारी रात्री साडेआठला त्यांच्या घरून मुलीला सोबत घेऊन दुचाकीवरून सारसनगर येथील मैत्रिणीकडे हळदी-कुंकूसाठी जात होत्या. नगर कॉलेजसमोरून पाटील हॉस्पिटलकडे जात असताना फरहत हॉटेलसमोर पाठीमागून दुचाकीवर आलेल्या चोरट्याने वैशाली यांच्या गळ्यातील दोन तोळ्याचे सोन्याचे मंगळसूत्र ओरबडून धूम ठोकली. वैशाली यांनी कोतवाली पोलीस ठाण्यात दिलेल्या फिर्याद दिली आहे.

वृषाली ललित भूमकर (वय 38 रा. बागडपट्टी) या त्यांच्या पतीसोबत दुचाकीवरून सोमवारी रात्री कल्याण रोडवर हळदी-कुंकूसाठी गेल्या होत्या.  तेथून पतीसोबत दुचाकीवरून घराकडे येत असताना 9:55 वाजेच्या सुमारास बागडपट्टी येथील चिनी टेलर्स दुकानासमोर वळणावर दुचाकीचा वेग कमी होताच पाठीमागून दुचाकीवर आलेल्या चोरट्याने वृषाली यांच्या गळ्यातील दीड तोळ्याचे मिनी गंठण चोरून नेले. या प्रकरणी ललित पांडुरंग भूमकर (वय 38) यांनी तोफखाना पोलीस ठाण्यात फिर्याद दिली आहे.