भर दुपारची कहाणी, आई पाजत होती गायीला पाणी, तिकडून आल्‍यावर मुलीला पाहताच...

जळगाव / नगर सहयाद्री- जळगाव शहरातील एक धक्कादायक घटना समोर अली आहे. एका अल्पवयीन मुलीने राहत्या घरात गळफास घेवून आत्महत्या केल्याची घटना काल...

जळगाव / नगर सहयाद्री-

जळगाव शहरातील एक धक्कादायक घटना समोर अली आहे. एका अल्पवयीन मुलीने राहत्या घरात गळफास घेवून आत्महत्या केल्याची घटना काल घडली. साक्षी दिनेश प्रजापत (वय १६) असे मृत तरूणीचे नाव आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. 

जळगावातील ईश्वर कॉलनीत साक्षी प्रजापत ही परिवारासह वास्तव्याला होती. वडील धान्य मार्केट दुकानात दलालीचे काम करून उदरनिर्वाह करतात. गुरूवारी (१२ जानेवारी) सकाळी वडील कामाला निघून गेले. साक्षी ही आईसोबत घरी होती. दुपारी आई गायीला पाणी पाजण्यासाठी बाहेर गेल्या होत्या. तेवढ्यात साक्षीने घरात गळफास घेवून आत्महत्या केली. 

साक्षीची आई घरात आल्यानंतर मुलीने गळफास घेतल्याचे दिसून आले. मुलीला पाहताच एकच हंबरडा फोडला. शेजारी राहणाऱ्या नागरीकांच्या मदतीने खाली उतरवून जिल्हा शासकीय वैद्यकीय महाविद्यालयात दाखल केले. वैद्यकीय अधिकारी यांनी मयत घोषीत केले.आत्महत्या करण्याचे कारण नेमके कळू शकले नाही.