कानडे मळा भागात रस्ता काँक्रीटीकरणाची आमदार जगतापांकडून पाहणी अहमदनगर | नगर सह्याद्री- शहराचे विस्तारीकरण झपाट्याने होत असून नागरिकांना मू...
कानडे मळा भागात रस्ता काँक्रीटीकरणाची आमदार जगतापांकडून पाहणी
अहमदनगर | नगर सह्याद्री-
शहराचे विस्तारीकरण झपाट्याने होत असून नागरिकांना मूलभूत सुविधा देण्याचे काम सुरू आहे. उपनगरांना जोडणार्‍या रस्त्यांची कामे हाती घेतले असून शहराच्या दळणवळणाचा प्रश्न मार्गी लागणार आहे. रस्त्यांच्या विकास कामांमुळे व्यावसायिकरण झपाट्याने वाढते व त्या माध्यमातून रोजगार निर्मिती होते. कानडे मळा परिसरातील नागरिकांनी रस्ता कॉकटीकरणाचे काम पूर्ण करण्यासाठी मोठे सहकार्य केले असून स्वतःरस्त्यावरील अडथळे दूर केले. सोलापूर रस्ता ते सीएसआरडी कॉलेजपर्यंतचा रस्ता हा सारसनगर उपनगराला जोडणारामहत्त्वाचा रस्ता आहे.
नगरसेवक अविनाश घुले यांनी या कामासाठी पुढाकार घेतला. या माध्यमातून महापालिका प्रशासनाने जलद गतीने विकास कामे पूर्ण करण्यासाठी पावले उचलल्यास नागरिकांना सुविधांचा लाभ घेता येईल, असे प्रतिपादन आमदार संग्राम जगताप यांनी केले.सारसनगर कानडे मळा रस्ता काँक्रिटीकरण कामाची पाहणी आमदार संग्राम जगताप यांनी केली.
नगरसेवक अविनाश घुले म्हणाले, सारसनगर कानडे मळ्यातील रस्ता मार्गी लागणे गरजेचे होते. या कामासाठी आमदार संग्राम जगताप यांनी राज्य शासनाकडून मोठा निधी मंजूर करून आणला. नियोजनबद्ध. कायमस्वरूपीचे रस्ता काँक्रिटी करण्याचे काम यामुळे मार्गी लागले. यामुळे कानडे मळा सारसनगर परिसराचा विकास कामातून कायपालट होईल. आमदार संग्राम जगताप यांच्या नेतृत्वाखाली सुरू असलेले नियोजनबद्ध कामामुळे शहर विकासाला एक चालना मिळाली आहे. कानडे मळ्यातील शेतकर्‍यांनी रस्त्याचे काम पूर्ण करण्यासाठी मोठे सहकार्य केले.
यावेळी उपमहापौर गणेश भोसले, नगरसेवक अविनाश घुले, नगरसेवक प्रकाश भागानगरे, उपायुक्त श्रीनिवास कुरे, शहर अभियंता श्रीकांत निंबाळकर, पाणीपुरवठा विभाग प्रमुख रोहिदास सातपुते, विद्युत विभाग प्रमुख जोशी, रामदास कानडे, पांडुरंग गाढळकर, मिलिंद कानडे, नंदू कानडे, अमित गाडळकर, स्वामी हजारे, दादा पांडुळे, रामदास गाडळकर, चेतन कानडे, बाबासाहेब बोरुडे, रोहित राऊत, अनिकेत रासकर, नामदेव मोडवे आदींसह परिसरातील नागरिक मोठ्या संख्येने उपस्थित होते
COMMENTS