भाळवणी | नगर सह्याद्री पारनेर तालुयातील प्राथमिक आश्रमशाळा ढवळपुरी येथील चार विद्यार्थ्यांची गुणवत्तेच्या निकषावर नांदेड जिल्ह्यातील विद्या...
भाळवणी | नगर सह्याद्री
पारनेर तालुयातील प्राथमिक आश्रमशाळा ढवळपुरी येथील चार विद्यार्थ्यांची गुणवत्तेच्या निकषावर नांदेड जिल्ह्यातील विद्यानिकेतन पब्लिक स्कूल कमळेवाडीसाठी निवड झाली असून निवडीचे पत्र कालच प्राप्त झाले.
नवोदय विद्यालयात प्रवेशासाठी पात्रता परीक्षा असते, त्याप्रमाणे विद्यानिकेतन प्रवेशासाठी परीक्षा असते. महाराष्ट्र राज्य परीक्षा परिषदेमार्फत घेण्यात येणार्‍या पूर्व प्राथमिक शिष्यवृत्ती परीक्षेतून विद्यार्थ्यांची गुणानुक्रमे महाराष्ट्र राज्यातून निवड केली जाते. शिष्यवृत्ती परीक्षेत प्राथमिक आश्रमशाळेचे एकूण दहा विद्यार्थी पात्र झाले असून यातून गुणानुक्रमे सुयश रभाजी शिंदे, अनुष्का धोंडीभाऊ वाळुंज, सोहम अशोक महारनवर व संस्कृती मनोज देवकाते या चौघांची विद्यानिकेतन पब्लिक स्कूलसाठी महाराष्ट्र राज्यातून निवड झाली आहे. तसेच या शिष्यवृत्ती परीक्षेत अनुष्का सतीश भनगडे, चैतन्या बाबाजी वाजे, पूर्वा सतीश भनगडे, तनुजा आबासाहेब ठाणगे, स्नेहल संदीप वाघ, मेघा संपत दरेकर या उत्तीर्ण होऊन पात्र झाल्या आहेत.
या सर्व विद्यार्थ्यांना वर्गशिक्षक लतिफ राजे, विषय शिक्षक संतोष पट्टेकर, समाधान भुसारी, सोनाली नारायणे यांचे मार्गदर्शन लाभले. विद्यार्थ्यांच्या या यशाचे आमदार नीलेश लंके, सहाय्यक आयुक्त समाज कल्याण राधाकिसन देवढे, संस्थेचे अध्यक्ष शाहीद काझी, सचिव रेहान काझी, ढवळपुरीच्या सरपंच नंदाताई गावडे, उपसरपंच बबन पवार, सेवा सोसायटीचे चेअरमन भागाजी गावडे, दुर्गेश्वरी दूध संस्थेचे चेअरमन सुखदेव चितळकर, प्राथमिक विभागाचे मुख्याध्यापक संदीप महांडुळे, माध्यमिक विभागाचे मुख्याध्यापक बापूसाहेब रुपनर तसेच शिक्षक, विद्यार्थी व ग्रामस्थ यांनी अभिनंदन केले आहे.
यंदा चौघांची निवड
महाराष्ट्र शासनाच्या समाज कल्याण विभागा मार्फत विद्यानिकेत पब्लिक स्कूल कमळेवाडी जिल्हा नांदेड या ठिकाणी प्रवेश दिला जातो. या ठिकाणी प्रवेशासाठी महाराष्ट्र राज्य परीक्षा परिषदेमार्फत घेण्यात येणार्‍या शिष्यवृत्ती परीक्षेतील गुणवंत विद्यार्थ्यांची निवड केली जाते. महाराष्ट्र राज्यातून ८० विद्यार्थ्यांना याठिकाणी प्रवेश दिला जातो. यातील ६४ विद्यार्थी हे विमुक्त जाती भटया जमातीतील तर १६ विद्यार्थी हे खुल्या प्रवर्गातील असतात. यावर्षी प्राथमिक आश्रमशाळा ढवळपुरीच्या चार विद्यार्थ्यांची निवड झालेली आहे.
- संदीप महांडुळे,मुख्याध्यापक
COMMENTS