सरपंचाने केला तलवारीने हल्ला; 'या' गावात घडली घटना

  अहमदनगर । नगर सह्याद्री पोलीस ठाण्यात दिलेल्या फिर्यादीचा राग मनात धरून दोघा भावांवर तलवार, कोयत्याने हल्ला करून त्यांना जीवे मारण्याचा प्...

 

अहमदनगर । नगर सह्याद्री

पोलीस ठाण्यात दिलेल्या फिर्यादीचा राग मनात धरून दोघा भावांवर तलवार, कोयत्याने हल्ला करून त्यांना जीवे मारण्याचा प्रयत्न झाला.

सोमनाथ भानुदास बेरड व सतीष भानुदास बेरड (दोघे रा. शहापूर ता. नगर) अशी जखमींची नावे आहेत. सोमवारी सायंकाळी शहापूर शिवारात बेरड यांच्या घरात व गावातील खंडोबा मंदिराजवळ ही घटना घडली. जखमी सोमनाथ यांच्या फिर्यादीवरून भिंगार कॅम्प पोलीस ठाण्यात शहापूरच्या सरपंचासह दोघांविरूद्ध खुनाचा प्रयत्न, आर्म अ‍ॅक्ट आदी कलमान्वये गुन्हा दाखल करण्यात आला आहे. सरपंच दत्तात्रय दिलीप भालसिंग, संतोष दिलीप भालसिंग (दोघे रा. शहापूर) यांच्याविरूद्ध गुन्हा दाखल झाला आहे. दरम्यान घटनेची माहिती मिळताच शहर पोलीस उपअधीक्षक अनिल कातकाडे, सहाय्यक पोलीस निरीक्षक शिशिरकुमार देशमुख, पोलीस उपनिरीक्षक एम. के. बेंडकोळी यांनी घटनास्थळी धाव घेतली. पोलिसांनी सरपंच दत्तात्रय भालसिंग व त्यांचा भाऊ संतोष भालसिंग यांना अटक केली आहे.

सोमवारी सायंकाळी सोमनाथ बेरड घरी असताना दत्तात्रय भालसिंग व संतोष भालसिंग कोयता, तलवार घेऊन सोमनाथच्या घरात घुसले. त्यांनी सोमनाथला घरातून बाहेर ओढून भिंगार कॅम्प पोलीस ठाण्यात दिलेल्या फिर्यादीच्या कारणावरून शिवीगाळ, दमदाटी करत धक्काबुक्की करत सोबत आणलेल्या हत्यारांनी हल्ला केला. सोमनाथ यांनी कोयता व तलवारीने अंगावर केलेले वार हुकवले. त्यावेळी मध्यस्थीस आलेल्या सतीष बेरड यांच्या नाकावर तलवार लागून ते जखमी झाल्याचे फिर्यादीत म्हटले आहे. पोलिसांनी गुन्ह्याची नोंद करीत दोघांना अटक केली असून अधिक तपास उपनिरीक्षक बेंडकोळी करीत आहेत.