नवी दिल्ली वृत्तसंस्था : शिवसेना कुणाची असा खटला सुप्रीम कोर्टात आहे ह्या खटल्याकडे अवघ्या देशाचं लक्ष लागलंय,महत्त्वाच्या घडामोडी घडत आहे...
नवी दिल्ली वृत्तसंस्था :
शिवसेना कुणाची असा खटला सुप्रीम कोर्टात आहे ह्या खटल्याकडे अवघ्या देशाचं लक्ष लागलंय,महत्त्वाच्या घडामोडी घडत आहेत. सुनावणीवेळी आज १३ डिसेंबर रोजी देखील सुप्रीम कोर्टात युक्तिवाद सुरू होताच ठाकरे गटाचे वकील कपिल सिब्बल यांनी नबाम रबियासारखे प्रकरण असल्याने हा खटला ७ न्यायाधीशांसमोर लढला जावा, अशी विनंती केली.मात्र कोर्टाने ही मागणी आज फेटाळली.
मुख्य न्यायमूर्तींनी यावर तुम्ही लेखी विनंती सादर करा,त्यानंतर तुमचं म्हणणं ऐकून घेऊ,अशी सूचना केली.यासंदर्भात सविस्तर आणि रितसर मागणी करण्याच्या सूचना कोर्टाने दिल्या.मात्र कोर्टाने तूर्तास ती फेटाळून लावली.
शिवसेनेचे बंडखोर एकनाथ शिंदे आणि इतर आमदारांवरील अपात्रतेच्या कारवाई संदर्भातील,यासोबतच राज्यपाल, विधानसभा अध्यक्षांच्या अधिकार कक्षांचा उहापोह करणाऱ्या या महत्त्वाच्या खटल्याची पुढील सुनावणी येत्या १० जानेवारी रोजी होईल,असे आदेश कोर्टाने दिले.मुख्य न्यायमूर्तींनी ठाकरे गटाचे वकील कपिल सिब्बल यांना दोन आठवड्याच्या आत ही नोट देण्याची मुदत दिली आहे.
COMMENTS