तुनिषा शर्मा प्रकरणात शीझान खानच्या अडचणीत वाढ!

तुनिषाच्या आईने शीझानवर धर्मांतरासाठी दबाव टाकल्याचा आरोप केला होता. याशिवाय शीझानवर तुनिशाला मारहाण केल्याचाही आरोप होता.

मुंबई / नगर सह्याद्री - 

तुनिषा शर्मा प्रकरणानंतर तुनिषाच्या आईने अभिनेत्रीच्या मृत्यूसाठी शीझानला जबाबदार धरले. घटनेच्या दिवशीच शीझानला  पोलिसांनी ताब्यात घेतले होते. त्यानंतर पोलीस शीझानची चौकशी करत असून न्यायालयाने शीजनला १४ दिवसांची न्यायालयीन कोठडी सुनावली आहे.

तुनिषा शर्माच्या आत्महत्येनंतर तिचा को-स्टार शीझान खानच्या अडचणीत सातत्याने वाढ होत आहे. याप्रकरणी आतापर्यंत अनेक खुलासे झाले आहेत. काल तुनिषाच्या आईने शीझानवर धर्मांतरासाठी दबाव टाकल्याचा आरोप केला होता. याशिवाय शीझानवर तुनिशाला मारहाण केल्याचाही आरोप होता.

न्यायालयाने शीझानला १४ दिवसांची पोलिस कोठडी सुनावली आहे. आज कोर्टात हजेरी लावताना सरकारी पक्षाने सांगितले की, आरोपी शीझान तुनिशाला उर्दू शिकवत होता आणि सेटवर तिला मारायचा. चौकशीदरम्यान शीझानने त्याचा ईमेल आयडी आणि इतर पासवर्ड सांगण्यास नकार दिला.

या प्रकरणी शीझानच्या वकिलाचे म्हणणे आहे की, मोबाईल जप्त करण्यात आला, मग शीझानला ताब्यात घेण्याची काय गरज आहे. याप्रकरणी आतापर्यंत २७ जणांचे उत्तर  नोंदवण्यात आले आहेत. याप्रकरणी शीझान सहकार्य करत नसल्याचे पोलिसांचे म्हणणे आहे. मात्र, शीझान आणि तुनिषाच्या चॅटबाबत सतत चौकशी केली जात आहे.