पुणे / नगर सहयाद्री कोरोनानंतर निर्बंधमुक्त ख्रिसमस साजरा झाला. पुण्यात ख्रिश्चन धर्माच्या नागरिकांची संख्या मोठी आहे. दरवर्षी मोठ्या प्रमा...
पुणे / नगर सहयाद्री
कोरोनानंतर निर्बंधमुक्त ख्रिसमस साजरा झाला. पुण्यात ख्रिश्चन धर्माच्या नागरिकांची संख्या मोठी आहे. दरवर्षी मोठ्या प्रमाणात ख्रिसमस साजरा केला जातो. यावर्षीही अनेक ख्रिश्चन धर्मीय लोक उत्साहाने ख्रिसमस साजरा करण्यासाठी पुण्यातील कॅम्प, एमजी रोज परिसरात एकत्र आले होते. पुण्यात अनेक प्राचीन चर्च आहेत.या चर्चमध्ये रात्री बारा वाजता शेकडो नागरिक एकत्र येत जल्लोष करतात.
ख्रिसमस सेलिब्रेशनसाठी करण्यासाठी रात्री घराबाहेर पडलेल्या कुटुंबियांच्या घरात मोठा दरोडा पडला आहे यात चोरांनी २५ लाख रुपयांचे दागिने लंपास केले आहेत.यात सोने, हिऱ्यांचे दागिन्यांचा समावेश आहे.त्यासोबतच १२ हजार रुपयांची रोकडही चोरट्यांनी लंपास केली. या प्रकरणी कोंढवा पोलीस ठाण्यात तक्रार दाखल करण्यात आली आहे.
पुण्यातील महंमदवादी परिसरातील एक कुटुंब रात्री नाताळचं सेलिब्रेशन करण्यासाठी पुण्यातील चर्चमध्ये गेलं होतं.ते रात्री नऊच्या सुमारास ख्रिसमसच्या पूर्वसंध्येला घरातून बाहेर पडले होते. त्यांच्या बंगल्यावर चोर नजर ठेवून होते. कुटुंबीय घराबाहेर पडताच चोरांनी बेडरुमच्या खिडकीच्या दोन लोखंडी जाळ्या तोडून घरात प्रवेश केला.त्यांच्या घरातील सोन्याचे आणि हिऱ्याचे दागिने लंपास केले.घरात असलेली १२ हजार रुपयांची रोकडदेखील या चोरांनी लंपास केली. मध्यरात्री ख्रिसमस सेलिब्रेशन झाल्यानंतर कुटुंबीय घरी परतले.त्यानंतर हा प्रकार उघडकीस आला.
COMMENTS