पत्नीचा निवडणूक प्रचार करताना पतीचा मृत्यू

मुंबई । नगर सह्याद्री -  राज्यात सध्या ग्रामपंचायत निवडणुकीची रणधुमाळी सर्वत्र सुरू आहे. अशातच, ग्रामपंचायत निवडणुकीत पत्नीच्या सरपंचपदाचा प...

मुंबई । नगर सह्याद्री - 

राज्यात सध्या ग्रामपंचायत निवडणुकीची रणधुमाळी सर्वत्र सुरू आहे. अशातच, ग्रामपंचायत निवडणुकीत पत्नीच्या सरपंचपदाचा प्रचार करत असताना पतीचा ह्रदयविकाराच्या झटक्याने मृत्यू झाला आहे. ही दुर्देवी घटना लातूर जिल्ह्यातील मुरुड परिसरात घडली आहे. 

अमर पुंडलिक नाडे (वय 45 वर्ष) असे मृत्युमुखी पडलेल्या व्यक्तीचे नाव आहे. प्राप्त माहितीनुसार, अमर यांच्या पत्नी अमृता नाडे या मुरूड ग्रामपंचायत निवडणुकीत सरपंच पदाच्या उमेदवार आहे. गुरूवारी अमृता यांच्या प्रचारार्थ मुरुड शहरातील सार्वजनिक चौकात त्यांची जाहीर सभा आयोजित करण्यात आली होती.

दरम्यान, प्रचाराची जाहीर सभा सुरू असताना अमर नाडे यांनी भाषण सुरू केली आहे. मात्र, भाषण करत असताना अचानक ते स्टेजवर कोसळले आहे. त्यांना तातडीने रुग्णालयात दाखल केले असता, डॉक्टरांनी त्यांना मृत घोषित केले आहे. अमर यांना ह्रदयविकाराचा झटका आल्याने त्यांचा मृत्यू झाल्याचे डॉक्टरांनी स्पष्ट केले आहे. अमर यांच्या अचानक निधनाने परिसरातून मोठी हळहळ व्यक्त होत आहे.

लातूर जिल्ह्यात सध्या ग्रामपंचायत निवडणुकांची रणधुमाळी सुरू आहे. जिल्ह्यातील 351 पैकी 337 ग्रामपंचायत निवडणूकांचा प्रचार शिगेला पोहोचला आहे. यातील 14 ग्रामपंचायती बिनविरोध निवडून आल्या आहे. आतापर्यंत 16 सरपंच व 399 ग्रामपंचायत सदस्य बिनविरोध निवडले गेले आहे. सर्व स्तरावर ग्रामपचायत सदस्यांना मतदानासाठी आकर्षित करण्यासाठी उमेदवार प्रचार करत आहे.