नागरिकांना चांगल्या सुविधा देण्याचा प्रयत्न : नज्जू पैलवान

अहमदनगर । नगर सह्याद्री येथील प्रभाग क्रमांक 11 मधील बाबा बंगाली परिसरात आरसीसी गटार कामाचा शुभारंभ ज्येष्ठ नगरसेवक नज्जू पैलवान यांच्या हस्...

अहमदनगर । नगर सह्याद्री

येथील प्रभाग क्रमांक 11 मधील बाबा बंगाली परिसरात आरसीसी गटार कामाचा शुभारंभ ज्येष्ठ नगरसेवक नज्जू पैलवान यांच्या हस्ते करण्यात आला. यावेळी आरिफ गौरी, समशेर खान, इस्माईल बेग, नदीम शेख, सरवर कुरेशी, सलीम शेख, मुना शेख, सलीम खान, हबीब शेख, जगन्नाथ बनसोडे, नंदू बनसोडे आदी उपस्थित होते.

नज्जू पैलवान म्हणाले की, गेली 45 ते 50 वर्षे नगरसेवक पदाच्या माध्यमातून प्रभागातील मूलभूत सुविधांचे प्रश्न मार्गी लावत आहे. रस्ते, गटारी, पथदिव्यांची कामे करण्यात आली आहेत. बाबा बंगाली परिसरात गटारीचा प्रश्न निर्माण झाला होता. नागरीक यामुळे त्रास होत होता. 

त्यामुळे प्राधान्याने यात लक्ष घालून हा प्रश्न मार्गी लावला आहे. शहराचे आमदार संग्रामभैय्या जगताप यांच्याकडे वेळोवेळी निधीची मागणी केल्यावर त्यांनी निधी उपलब्ध करून दिला आहे. कोरोना महामारीच्या काळात काही कामे रखडली होती. आता ती मार्गी लागणार आहेत. इतर प्रलंबित कामेही लवकरच मार्गी लागतील, असा विश्वास नज्जू पैलवान यांनी व्यक्त केला.