पाथर्डी । नगर सह्याद्री राष्ट्रीय महामार्ग क्रमांक 61 नगर ते पाथर्डी रस्त्याच्या दुरुस्तीच्या मागणीसाठी आमदार नीलेश लंके यांनी सुरू केलेल...
पाथर्डी । नगर सह्याद्री
राष्ट्रीय महामार्ग क्रमांक 61 नगर ते पाथर्डी रस्त्याच्या दुरुस्तीच्या मागणीसाठी आमदार नीलेश लंके यांनी सुरू केलेल्या आमरण उपोषणास पाठिंबा दर्शविण्यासाठी महाविकास आघाडीच्या वतीने पाथर्डी शहरासह तालुक्यात कडकडीत बंद पुकारण्यात आला. नागरिक व व्यापारी वर्गाने बंदला उस्फूर्त प्रतिसाद देत आंदोलनाला पाठिंबा दिला.
गुरूवारी राष्ट्रवादीचे नेते अँड. प्रतापराव ढाकणे यांच्या संपर्क कार्यालयापासून काँग्रेसचे तालुकाध्यक्ष नासिर शेख, शिवसेना तालुकाप्रमुख भगवान दराडे, माजी नगरसेवक डॉक्टर दीपक देशमुख, राष्ट्रवादीचे जिल्हा उपाध्यक्ष सीताराम बापू बोरुडे, शहराध्यक्ष योगेश रासने, वैभव दहिफळे, आक्रम आतार, आतिश निराळी, बाळासाहेबांची शिवसेनाचे तालुकाप्रमुख विष्णुपंत ढाकणे, वंचित बहुजनचे अरविंद सोनटक्के, मुन्ना खलिफा, महेश दौंड, आनंद सानप, किशोर डांगे, सुनील दौंड, गणेश दिनकर, युसुफ खान, जुनेद पठाण, आकाश काळोखे, मोहम्मद खान, सचिन नागपुरे, संदीप राजळे, चाँद मणियार, चंद्रकांत भापकर, अनिकेत निनगुरकर, विनय बोरुडे यांनी शहरातून फेरी काढत व्यापार्यांना बंदमध्ये सहभागी होण्याचे आवाहन केले. व्यापार्यांनी यास उत्स्फूर्त प्रतिसाद देत दुकाने बंद ठेवली. राष्ट्रवादीचे तालुका अध्यक्ष शिवशंकर राजळे, युवा नेते ऋषिकेश ढाकणे, माजी नगरसेवक बंडूपाटील बोरुडे हे लंके यांच्यासोबत नगर येथे आंदोलनात सहभागी आहेत.
COMMENTS