गेल्या २४ तासात भारतात २४३ कोरोना रुग्ण आढळले असून, एका मृत्यूची नोंद झाली आहे.
नवी दिल्ली / नगर सह्याद्री -
गेल्या २४ तासात भारतात २४३ कोरोना रुग्ण आढळले असून कालच्या तुलनेत ही संख्या २५ रुग्णांनी कमी झाली आहे. तसेच, गेल्या २४ तासात महाराष्ट्रात एका मृत्यूची नोंद झाली आहे. देशातील एकूण संक्रमित लोकांची संख्या ४,४६,७८,१५८ वर पोहोचली आहे. तर देशातील एकूण मृतांची संख्या ५,३०,६९९ वर पोहोचली आहे. यात मृत्यूचे प्रमाण १.१९% आहे.
देशात ३ दिवसांपासून सक्रिय रुग्णांची संख्या वाढत आहे. २४ तासांच्या कालावधीत कोविड-१९ चे ३,६०९ सक्रिय रुग्ण आढळले आहेत. जे कालच्या संख्येपेक्षा ५७ अधिक आहे. एकूण संक्रमितांच्या तुलनेत हे प्रमाण ०.०१% आहे.
गेल्या २४ तासात कोरोनाचे १८५ रुग्ण बरे झाले असून, रुग्णांचा राष्ट्रीय बरा होण्याचा दर ९८.८०% झाला आहे. तर एकूण बरे झालेल्यांची संख्या ४,४१,४३,८५० आहे.
कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २२०,०९,१४,५४६ कोटींहून अधिक डोस देण्यात आले आहेत.
COMMENTS