कर्करोगाची लस प्रथमच विकसित; मृत्यूचा धोका ४४ टक्क्यांनी कमी

कर्करोगावरील लस प्रथमच विकसित करण्यात आली आहे. या लसीमुळे रुग्णांमधील मृत्यूचा धोका ४४ टक्क्यांनी कमी झाला आहे.

नवी दिल्ली / नगर सह्याद्री - 

कर्करोगावरील लस प्रथमच विकसित करण्यात आली आहे. या लसीमुळे रुग्णांमधील मृत्यूचा धोका ४४ टक्क्यांनी कमी झाला आहे. नवीन लस कर्करोगाच्या उपचारात उत्तम पर्याय ठरू शकते, असा दावा तज्ज्ञांनी केला आहे.

मॉडर्ना आणि फायझरने कोविड-१९ चे औषध बनवण्यासाठी ज्या तंत्रज्ञानाचा वापर केला त्याच तंत्रज्ञानाने ही लस विकसित करण्यात आली आहे. या लसीच्या दुसऱ्या टप्प्यात कीट्रूडा औषध मिसळण्यात आले. परिणामांमध्ये असे दिसून आले की त्वचेचा कर्करोग किंवा मृत्यूचा धोका ४४ टक्क्यांनी कमी झाला आहे.

चाचणी दरम्यान १५७ रुग्णांना लसीचा डोस देण्यात आला. हे रुग्ण स्टेज तिसऱ्या किंवा चौथ्या मेलेनोमा कर्करोगाशी झुंज देत होते. उपचारानंतर ऑपरेशन करून त्यांची गाठ काढण्यात आली. कर्करोग संशोधनाच्या आकडेवारीनुसार, यूकेमधील ३६ पुरुष आणि ४७ महिलांना दरवर्षी त्यांच्या आयुष्यात कधीतरी त्वचेचा कर्करोग झाल्याचे निदान होते. कीट्रूडा हे एक प्रतिपिंड, मेलेनोमा, फुफ्फुसाचा कर्करोग, डोके आणि मान या कर्करोगावर उपचार करण्यासाठी वापरला जातो

प्रोफेसर अँड्र्यू बेग्स, एमआरसी वरिष्ठ क्लिनिकल फेलो आणि बर्मिंगहॅम विद्यापीठातील सल्लागार कोलोरेक्टल सर्जन यांच्या मते, ही एक गेम चेंजर लस आहे, जी एमआरएनए तंत्रज्ञानाने तयार करण्यात आली आहे. या लसीचा डोस त्वचेच्या कर्करोगात इम्युनोथेरपीची प्रभावीता वाढवतो. हे रोगप्रतिकारक शक्तीला प्रतिसाद देणाऱ्या टी पेशी मजबूत करते.