खासदार डॉ. सुजय विखेंची मेंटकॉन परिषदेत ग्वाही ; डॉ. अशोक गायकवाड लाईफटाईम अचिव्हमेंट पुरस्काराने सन्मानित शिर्डी | नगर सह्याद्री माणसाचा...
खासदार डॉ. सुजय विखेंची मेंटकॉन परिषदेत ग्वाही ; डॉ. अशोक गायकवाड लाईफटाईम अचिव्हमेंट पुरस्काराने सन्मानित
माणसाचा प्रत्येक अवयव महत्त्वाचा असून, यात कान-नाक-घशाला (ईएनटी) अनन्यसाधारण महत्त्व आहे. या तिन्ही अवयवांवरील शस्त्रक्रिया अवघड असतात. यातच जन्मजात बहिरेपणाची (कॉलियर इप्लाट) शस्त्रक्रिया अवघड आणि मोठी खर्चिक असते. या शस्त्रक्रियेसाठी लागणारी औषधे आणि साहित्याचा खर्च कमी करण्यासाठी केंद्र सरकारकडे पाठपुरावा करणार असल्याची ग्वाही खासदार डॉ. सुजय विखे पाटील यांनी दिली.
शिर्डी येथे नुकत्याच झालेल्या मेंटकॉन परिषदेचे सचिव तथा कान-नाक-घसा तज्ज्ञ डॉ. गजानन काशिद यांनी याबाबत माहिती दिली. फेडरेशन ऑफ महाराष्ट्र स्टेट ब्रांचेस ऑफ असोसिएशनच्या ओटोलरिंगॉलॉजीच्या अहमदनगर शाखेच्यावतीने ’मेंटकॉन’ अंतर्गत कौशल्य विकासासाठी ५२ व्या राज्यस्तरीय ईएनटी (कान-नाक -घसा) परिषद शिर्डी येथे नुकतीच पार पडली. या परिषदेचे उद्घाटन खासदार डॉ. सुजय विखे पाटील यांच्या हस्ते झाले.
शिर्डी येथे भरविण्यात आलेल्या मेंटकॉन परिषदेचे त्यांनी कौतुक केले. बदलत्या अत्याधुनिक तंत्रज्ञानानुसार डॉटरांचे ज्ञान अद्ययावत होण्यासाठी परिषदेचा ’कौशल्य विकास ’ हा विषय समर्पक असल्याचे खासदार डॉ. सुजय विखे पाटील यांनी सांगितले. उद्घाटनावेळी परिषदेत सहभागी झालेल्या डॉटरांशी त्यांनी संवाद साधला. यात डॉटरांनी जन्मजात बहिरेपणा आणि त्यासारख्या इतर महागड्या शस्त्रक्रियांकडे लक्ष वेधले. महागडी औषधे, त्यावरील कर आणि आवश्यक साहित्यामुळे शस्त्रक्रिया अधिक खर्चिक झाल्या आहेत. त्यामुळे गरिबांना ह्या शस्त्रक्रिया परवडत नाही. त्यातून व्यंग अधिक वाढते, याकडे डॉटरांनी लक्ष वेधले. यावर खासदार डॉ. सुजय विखे पाटील यांनी या महागड्या शस्त्रक्रियांवरील खर्च कसा कमी करता येईल, यासाठी केंद्र सरकारकडे पाठपुरावा करणार असल्याची ग्वाही दिली.डॉ. पद्मा कुलकर्णी आणि डॉ. निलीमा गोरे यांनी प्रास्ताविक केले. मेंटकॉन परिषदेचे अध्यक्ष डॉ. धनंजय कुलकर्णी यांनी स्वागत केले. या परिषदेत अहमदनगरमधील डॉ. अशोक गायकवाड यांना लाईफटाईम अचिव्हमेंट पुरस्काराने सन्मानित करण्यात आले. मेंटकॉनचे सचिव डॉ. गजानन काशिद यांनी सांगितले, की परिषदेत महाराष्ट्रासह दिल्ली, कलकत्ता, राजस्थान, गुजरात, आंध्रप्रदेश, मध्य प्रदेश, कर्नाटक, केरळ येथून तब्बल ७०० डॉटर सहभागी झाले होते. यात युवा डॉटरांची संख्या सर्वाधिक होती. या परिषदेमध्ये तब्बल साडेसहाशे प्रबंध सादर झाले असून, यामध्ये कौशल्य विकास विषयावर प्रत्येक परिषदेत सर्वांना सहभागी करून घेण्यात आले. याशिवाय शिर्डीच्या साईनाथ रुग्णालयातून ते परिषदेच्या ठिकाणी दूरदृश्यप्रणालीद्वारे १४ अवघड शस्त्रक्रिया करून दाखविण्यात आल्या. यात डॉ. रेणुका ब्राटो, डॉ. सुजय जोशी, डॉ. सतीश जैन, डॉ. विजेयंद्र, डॉ. टी. एन. जानकीराम, डॉ. समीर भारगव, डॉ. वीरेंद्र घैसास, डॉ. क्षितिज पाटील, डॉ. आशिष भूमकर, डॉ. असिम देसाई, डॉ. विकास अग्रवाल सहभागी झाले होते.पद्मश्री डॉ. सेंड्रा देसा सुझा यांनी शिर्डी येथे झालेली ही परिषद देशातील कान-नाक-घसा डॉटरांना सकारात्मक ऊर्जा देणारी ठरल्याचे सांगत आयोजकांचे कौतुक केले. परिषद यशस्वी केल्याबद्दल मेंटकॉन अध्यक्ष डॉ. धनंजय कुलकर्णी आणि सचिव डॉ. गजानन काशिद यांना महाराष्ट्र स्टेट ब्रांचेस ऑफ असोसिएशन ओटोलरिंगॉलॉजीकडून सन्मानपत्राने गौरवण्यात आले.
महाराष्ट्र असोसिएशनचे अध्यक्ष डॉ. पुष्कर लेले, सचिव बाळासाहेब पाटील यांनी हा सन्मान केला. मेंटकॉनचे सह- समन्वयक डॉ. दिलीप पवार, खजिनदार डॉ. योगेश गेठे, सायंटिफिक चेअरमन डॉ. अंजली फडके, डॉ. अविनाश बडवे, डॉ. शांताराम आढाव, डॉ. अनिल कांबळे, डॉ. रविंद्र कुलकर्णी, डॉ. सोपान गोरे, डॉ. सोनाली बांगर, डॉ. अशोक सोनांबेकर, डॉ. एस. एस. नगरे, डॉ. मधुसूदन मालपाणी, डॉ. अरविंद जोर्वेकर, डॉ. भास्कर पवार, डॉ. शोभना गायकवाड, डॉ. कल्पना गायकवाड, डॉ. सुकेशनी गाडेकर, डॉ. महावीर कटारिया, डॉ. आनंद तुळजापुरे, डॉ. निकुंज दातीर, डॉ. प्रफुल्ल देशपांडे, डॉ. वैजनाथ गुरवले, डॉ. अनिल मोमले यांनी परिषदेच्या यशस्वितेसाठी परिश्रम घेतले.
COMMENTS