लिंक पाठवून महिलेची सात लाखांची फसवणूक

  अहमदनगर । नगर सह्याद्री  डेबीट कार्ड बंद पडणार असल्याची बतावणी करून मोबाईलवर लिंक पाठवून त्याव्दारे एका महिलेच्या खात्यातून सात लाख रूपये ...

 

अहमदनगर । नगर सह्याद्री 

डेबीट कार्ड बंद पडणार असल्याची बतावणी करून मोबाईलवर लिंक पाठवून त्याव्दारे एका महिलेच्या खात्यातून सात लाख रूपये काढून घेत ऑनलाइन फसवणूक करण्यात आली. रविवारी सकाळी ही घटना घडली.

 यासंदर्भात सायबर पोलीस ठाण्यात फिर्याद दिली.फिर्यादीवरून एका मोबाईल नंबर धारक अज्ञात व्यक्तीविरूध्द गुन्हा दाखल केला आहे. फिर्यादी महिलेला रविवारी सकाळी 10.40 वाजता एका अनोळखी नंबरवरून मेसेज आला. आयसीआयसी बँकेचे डेबीट कार्ड बंद पडणार असल्याचा तो बनावट मेसेज होता. फिर्यादीचा विश्वास बसल्याने त्यांनी मेसेजमधील लिंक ओपन केली. यानंतर काही वेळातच फिर्यादी महिलेेच्या खात्यावर असलेले सात लाख रूपये काढून घेण्यात आले. आपली फसवणूक झाल्याचे महिलेच्या लक्षात आले. अधिक तपास प्रभारी अधिकारी पोलीस निरीक्षक बाजीराव पोवार करीत आहेत.