धक्कादायक! नवविवाहित जोडप्याने 'या' कारणाने संपवले जीवन

औरंगाबाद / नगर सहयाद्री- औरंगाबाद मधील सिलोड येथील मन हेलावून टाकणारी घटना घडली आहे.पत्नीच्या आत्महत्येची बातमी कळताच पतीनेही उचललं टोकाचं प...

औरंगाबाद / नगर सहयाद्री-

औरंगाबाद मधील सिलोड येथील मन हेलावून टाकणारी घटना घडली आहे.पत्नीच्या आत्महत्येची बातमी कळताच पतीनेही उचललं टोकाचं पाऊल एका नवविवाहित जोडप्याने दोन वेगवेगळ्या ठिकाणी गळफास घेत आपली जीवनयात्रा संपवली आहे.विकास तायडे आणि सपना तायडे अशी मृत पती-पत्नीची नावे आहेत

वर्षभरापूर्वी या दोघा चे लग्न झाले होते. दोघांचा सुखी संसार सुरू होता.रविवारी विकास हा काही कामानिमित्त शहरात गेला.त्याचवेळी पत्नी सपना हिने सकाळच्या सुमारास आपल्या राहत्या घरी गळफास घेऊन आत्महत्या केली. दरम्यान, पत्नी सपनाने आत्महत्या केल्याची बातमी कळताच विकासला जबर धक्का बसला. या धक्क्यातून विकासला सावरणं अशक्य झालं आणि त्याने सुद्धा रस्त्याने येत्या वेळेस अंभईजवळील बोरगाव येथील खेळणा नदीच्या पुलावर गळफास घेऊन आपली जीवनयात्रा संपवली.

पत्नी आणि पतीने एकाच दिवशी गळफास घेत आत्महत्या केल्याने परिसरातून मोठी हळहळ व्यक्त केली जात आहे. याप्रकरणी पोलिसांनी अकस्मात मृत्यूची नोंद केली असून पुढील घटनेचा तपास पोलीस करीत आहेत.