दारु पिऊन वाहन चालविणे भोवले

चौघा विरुद्ध कोतवाली पोलिस ठाण्यात गुन्हा दाखल  अहमदनगर / नगर सह्याद्री -  31 डिसेंबर व नूतन वर्षाच्या पार्श्वभूमीवर पोलिसांकडून शहरात ठिकठि...

चौघा विरुद्ध कोतवाली पोलिस ठाण्यात गुन्हा दाखल 

अहमदनगर / नगर सह्याद्री - 

31 डिसेंबर व नूतन वर्षाच्या पार्श्वभूमीवर पोलिसांकडून शहरात ठिकठिकाणी नाकाबंदी सुरु असून दारु पिऊन वाहन चालविणार्‍यांवर कारवाई केली जात आहे. चौघांवर वेगवेगळ्या ठिकाणी कोतवाली पोलिसांनी कारवाई करत गुन्हा दाखल केला आहे. 

यामध्ये सोहेल गुलाब शेख (वय 23, रा. काटवन खंडोबा रोड, अहमदनगर), विशाल मुकेश गाेंंधळे (वय 38, रा. ख्रिस्त गल्ली, अहमदनगर), शशिकपूर भगवान सिंग (वय 36, रा. डिपेंन्डर सेफ्टी शुज, एल 69, रेणुकामाता मंदिर जवळ, नागापूर), संदेश शशिकांत भिंगारदिवे (वय 28, रा. घास गल्ली, भिंगार) आदींचा समावेश आहे. 30 डिसेंबरला 8 ते 11 दरम्यान सपोनि विवेक पवार, पोना बापुसाहेब गोरे, पोकॉ. दीपक कैतके, पोना. मुकुंद दुधाळ, पोकॉ श्रीकांत खताडे, पोकॉ याकुब सय्यद यांना इंम्पिरियल चौकात नाकाबंदी दरम्यान रात्री अ‍ॅक्सेस स्कुटी (एमएच 16, सीएक्स 0428) या गाडीवरील चालक साहेल गुलाब शेख मद्य सेवन करुन गाडी चालवत असल्याचा संशय आला. त्यास थांबवले असता मद्य सेवनाचा वास आला. त्यानुसार रविंद्र टकले यांच्या फिर्यादीवरुन सोहेल शेख यांच्यावर गुन्हा दाखल करण्यात आला. 

अ‍ॅक्टीव्हा स्कुटी (एमएच 16 ऐके 25) या गाडीवरील चालक विशाल मुकेश गोंधळे मद्य सेवन करुन गाडी चालविताना आढळला. या प्रकरणी बापूसाहेब गोरे यांच्या फिर्यादीवरुन गुन्हा दाखल करण्यात आला. ज्युपिटर (युपी 80 एफएच 2536) गाडीवरील चालक शशिकपूर भगवान सिंग याने मद्यसेवन केलेले आढळले. त्यांच्यावर श्रीकांत खताडे यांच्या फिर्यादीवरुन गुन्हा दाखल केला. डिस्कव्हर मोटार सायकल (एमएच 17 एएल 1170) या गाडीवरील चालक संदेश शशिकांत भिंगारदिवे मद्य सेवन करुन गाडी चालवत होता. दीपक कैतके यांच्या फिर्यादीवरुन कोतवाली पोलिस ठाण्यात गुन्हा दाखल करण्यात आला आहे.