कर्नाटकानंतर महाराष्ट्राचा तेलंगणासोबत वाद, सीमेवरील १४ गावांची वेगळी करण्याची मागणी

महाराष्ट्र आणि कर्नाटकमधील सीमावाद अद्याप संपलेला नसताना, तेलंगणाच्या सीमेला लागून असलेल्या राज्यातील काही गावे वेगळे होण्याची मागणी करत आहेत.

मुंबई / नगर सह्याद्री - 

महाराष्ट्र आणि कर्नाटकमधील सीमावाद अद्याप संपलेला नसताना, तेलंगणाच्या सीमेला लागून असलेल्या राज्यातील काही गावे वेगळे होण्याची मागणी करत आहेत. महाराष्ट्र-तेलंगणा सीमेवरील महाराष्ट्रातील १४ गावांतील लोकांनी तेलंगणामध्ये विलीन होण्याची मागणी केल्याचे सांगण्यात आले. ज्या गावांच्या वतीने ही मागणी करण्यात आली आहे त्यात महाराजगुडा, नाका वाडा या गावांचा समावेश आहे.

नाका वाडा गावचे उपसरपंच सुधाकर जाधव म्हणाले, "तेलंगणा सरकारकडून लोकांना अनेक फायदे मिळाले आहेत. मी महाराष्ट्राला आवाहन करतो की, येथील लोकांना अधिकाधिक लाभ द्यावा." नाका वाडा गावातील रहिवासी विजय म्हणाले, "येथील लोकांना तेलंगणासोबत जायचे आहे, कारण आम्हाला तेलंगणा सरकारकडून महाराष्ट्र सरकारपेक्षा जास्त लाभ मिळत आहेत. तेलंगणा सरकार येथील ज्येष्ठ नागरिकांना १,००० रुपयांपर्यंत पेन्शन देते. याशिवाय , १० किलो रेशन आणि इतर अनेक फायदे दिले जात आहेत."

राजुरा विधानसभेचे आमदार सुभाष धोटे यांनीही यासंदर्भात निवेदन दिले आहे. ते म्हणाले की, १४ गावांतील ७०-८० टक्के लोकांना महाराष्ट्रात राहायचे आहे. असे काही लोक आहेत जे तेलंगणात सामील होण्याच्या बाजूने आहेत, परंतु अशा लोकांची संख्या खूपच कमी आहे. शेतजमिनीचे मालकी हक्क देण्याची प्रक्रियाही येथे सुरू झाली आहे.