धक्का लागल्याचा जाब विचारला; मुलाला बांबूने मारहाण

अहमदनगर । नगर सह्याद्री -  धक्का लागल्याचा जाब विचारल्याने अल्पवयीन मुलाला बांबूने मारहाण केली. मोहमंद हंजाला जावीद कुरेशी (वय 15 रा. जीपीओ ...

अहमदनगर । नगर सह्याद्री - 

धक्का लागल्याचा जाब विचारल्याने अल्पवयीन मुलाला बांबूने मारहाण केली. मोहमंद हंजाला जावीद कुरेशी (वय 15 रा. जीपीओ रोड, नगर) असे जखमी मुलाचे नाव आहे. त्याच्यावर जिल्हा शासकीय रूग्णालयात उपचार सुरू असून कोतवाली पोलिसांनी जबाबावरून गुन्हा दाखल केला आहे.

अल्पवयीन मुलगा व अर्जुन (वय 25, पूर्ण नाव, पत्ता माहिती नाही) यांच्यावर हा गुन्हा दाखल झाला आहे. 11 डिसेंबरला रात्री मोहमंद  घराकडे जात असताना त्याला पावणे अकरा वाजता बांबू गल्लीत एकाने धक्का दिला. धक्का दिल्याने मोहमंद खाली पडला. त्याबाबत विचारणा केली असता त्याला शिवीगाळ केली. तेथे असलेल्या अर्जुनच्या मदतीने बांबूने हातावर, डोक्यात मारहाण करून जखमी केल्याचे फिर्यादीत म्हटले आहे. रूग्णालयात दिलेल्या जबाबावरून पोलिसांनी गुन्हा दाखल केला आहे. पोलीस अधिक तपास करीत आहेत.