बिबट्या निवासी इमारतीत घुसून केला तीन जणांवर हल्ला!

ठाणे जिल्ह्यातील कल्याण शहरात बिबट्याने निवासी इमारतीत घुसून तीन जणांवर हल्ला केला.

नगर सह्याद्री / मुंबई - 

ठाणे जिल्ह्यातील कल्याण शहरात बिबट्याने निवासी इमारतीत घुसून तीन जणांवर हल्ला केला. गजबजलेल्या रहिवासी भागातील अनुग्रह बिल्डिंग कॉम्प्लेक्समध्ये दुपारच्या सुमारास बिबट्या दिसला. परिसरात बिबट्या आल्याचे वृत्त पसरताच परिसरातील नागरिकांनी वनविभागाचे अधिकारी आणि कल्याण पोलिसांना मदतीसाठी बोलावले.

एवढ्या लोकांना पाहून बिबट्यालाही घाबरला आणि  त्याने तीन जणांवर हल्ला करून किरकोळ जखमी केले. बिबट्याचा एक व्हिडिओ सोशल मीडियावर व्हायरल होत आहे, ज्यामध्ये तो पहिल्या मजल्यावर दिसत आहे.

गुरुवारी सायंकाळी उशिरा बिबट्याला पकडण्यात वनविभागाच्या पथकाला यश आल्याची माहिती आरएफओ एस चन्ने यांनी प्रसारमाध्यमांना दिली. अधिकाऱ्यांनी सांगितले की, हाजी मलंग टेकडीच्या आजूबाजूच्या जंगलातून आलेल्या बिबट्याला रेस्क्यू सेंटरमध्ये नेले जाईल जिथे जंगलात सोडण्यापूर्वी त्याची वैद्यकीय तपासणी केली जाईल.

Slow claps to the person waving hi to the leopard. https://t.co/lqwuSCFrUO

— Ram Kumar (@ram_158) November 24, 2022