पाकिस्तानकडून पंजाब सीमेवर घुसखोरीचा प्रयत्न...पुढे घडले असे काही?

नवी दिल्ली । नगर सह्याद्री -   पंजाब सीमेवर पाकिस्तानकडून तीन वेळा घुसखोरीचे प्रयत्न झाले आहे. हवामान बदलल्यानंतर पाकिस्तानात बसलेले तस्कर भ...

नवी दिल्ली । नगर सह्याद्री - 

 पंजाब सीमेवर पाकिस्तानकडून तीन वेळा घुसखोरीचे प्रयत्न झाले आहे. हवामान बदलल्यानंतर पाकिस्तानात बसलेले तस्कर भारतात चुकीचे मनसुबे राबविण्याचा सातत्याने प्रयत्न करत आहे. मात्र या दरम्यान पाकिस्तानी ड्रोन पाडण्यात आणि दोन तस्करांना हुसकावून लावण्यात बीएसएफ जवानांना यश आले. 

अमृतसर सेटर अंतर्गत चौकी दाओके येथे रात्री १० वाजता ड्रोनच्या हालचाली ऐकू आल्या. ड्रोनचा आवाज ऐकून गस्त घालणार्‍या बीएसएफ जवानांनी गोळीबार सुरू केला. काही मिनिटांत ड्रोनचा आवाज बंद झाला. त्यानंतर परिसरात शोधमोहीम सुरू करण्यात आली. ज्यामध्ये बीएसएफ जवानांनी शेतात पडलेले ड्रोन जप्त केले. ८-प्रोपेलर (पंख) असेल ऑटा-कॉप्टर डीजेआय मॅट्रिस आहे, ज्याचा वापर पाकिस्तानी तस्कर मोठी खेप सीमा ओलांडण्यासाठी करतात. दुसरीकडे पठाणकोट सेटर अंतर्गत फरईपूर चौकीवर गस्त घालणार्‍या जवानांनी दुसरा प्रयत्न हाणून पाडला. हायटेक झालेल्या बीएसएफने पाकिस्तानी रेंजर्सच्या फराईपूर पोस्टमध्ये थर्मल कॅमेर्‍यांच्या मदतीने दोन घुसखोरांना पाहिले. १२१ बटालियनचे जवान सीमेवर गस्तीवर होते. दक्षतेसाठी जवानांनी गोळीबार सुरू केला. त्यानंतर घुसखोरांना परतावे लागले.

एक ड्रोन परत पाठवला

दरम्यान रात्री ९.४५ ते १०.३० दरम्यान अमृतसर सेटर अंतर्गत पंजगराई चौकीत बीएसएफ जवानांना ड्रोनच्या हालचालीचा आवाज आला. आवाज ऐकून सैनिक सावध झाले. त्यानंतर जवानांनी गोळीबार सुरू केला. गोळीबारानंतर ड्रोन परतला. ज्याची माहिती बीएसएफ जवानांनी वरिष्ठ अधिकार्‍यांना दिली. तेव्हापासून परिसरात शोधमोहीम राबविण्यात येत आहे.