श्रद्धा हत्येप्रकरणी आफताबचे मोठे वक्तव्य!

पोलिसांच्या विनंतीवरून कोर्टाने आफताबच्या कोठडीत आणखी चार दिवसांची वाढ केली आहे.

नगर सह्याद्री / नवी दिल्ली - 

श्रद्धाची हत्या करून तिचे ३५ तुकडे करणाऱ्या आफताब पूनावाला याला आज दिल्लीतील साकेत न्यायालयात व्हिडिओ कॉन्फरन्सिंगद्वारे हजर करण्यात आले. कोर्टात त्याने गुन्ह्याची कबुली देताना सांगितले की, त्याने जे काही केले ते रागाच्या भरात केले. कोर्टात उत्तर देताना त्यांच्या चेहऱ्यावर खेदाची चिन्हे नव्हती. त्याचबरोबर पोलिसांच्या विनंतीवरून कोर्टाने आफताबच्या कोठडीत आणखी चार दिवसांची वाढ केली आहे. गेल्या गुरुवारी आफताबच्या चौकशीसाठी न्यायालयाने ५ दिवसांची पोलीस कोठडी मंजूर केली होती, जी आज संपणार होती. न्यायालयाने आता ती आणखी चार दिवस वाढवली आहे.

सूत्रांनी दिलेल्या माहितीनुसार, आफताबने चौकशीदरम्यान पोलिसांना सांगितले की, त्याने श्रद्धाला मारण्यासाठी वापरलेले करवत आणि ब्लेड गुरुग्रामच्या डीएलएफ फेज ३ च्या झुडपात फेकले होते. त्याचवेळी मृतदेह कापण्यासाठी वापरलेली करवत त्यांनी मेहरौली येथील १०० फूट रोडवर असलेल्या डस्टबिनमध्ये फेकून दिली होती. 

१८ नोव्हेंबर रोजी पोलिसांनी गुरुग्रामच्या जंगलात शोध घेतला आणि तपासानंतर दिल्ली पोलिसांच्या पथकाने गुरुग्रामच्या झुडपातून काही पुरावे बाहेर आले, जे सीएफएसएल तपासासाठी पाठवण्यात आले आहेत. त्यानंतर १९ नोव्हेंबरला पुन्हा एकदा तपासात दिल्ली पोलीस मेटल डिटेक्टरसह गुरुग्रामच्या जंगलात गेले, मात्र त्या दिवशी त्यांना काहीही सापडले नाही. आता सर्वांच्या नजरा आफताबच्या पॉलीग्राफ आणि नार्को टेस्टवर खिळल्या आहेत, ज्यामध्ये आफताब त्याच्या गुन्ह्याचे सत्य उघड करणार आहे, पोलिसांनी चाचणीची तयारी केली आहे.