धक्कादायक! पंतप्रधानांच्या जीवाला धोका!

  ऑडिओ मेसेज आल्यामुळे मुंबई पोलीस झाले अलर्ट नवी दिल्ली । वृत्तसंस्था  पंतप्रधान नरेंद्र मोदी यांच्या जीवाला धोका असल्याचे समोर आले आहे. त्...

 

ऑडिओ मेसेज आल्यामुळे मुंबई पोलीस झाले अलर्ट

नवी दिल्ली । वृत्तसंस्था 

पंतप्रधान नरेंद्र मोदी यांच्या जीवाला धोका असल्याचे समोर आले आहे. त्यांच्या हत्येचा कट रचला गेल्याचा व्हॉटसअ‍ॅप मेसेज मुंबई पोलिसांना आल्याने खळबळ उडाली आहे.

एकीकडे भारत जोडो यात्रा करणार्‍या राहुल गांधी यांना धमकी देण्यात आल्याची बातमी नुकतीच आली होती. त्यानंतर आता पंतप्रधान मोदी देखील टार्गेटवर असल्याचे समोर आले आहे. पोलिसांनी या मेसेजचा तपास सुरू केला आहे. पंतप्रधान नरेंद्र मोदींच्या हत्येचा कट रचत असल्याचा मेसेज मुंबई पोलिसांना आला आहे. नरेंद्र मोदी यांच्या हत्येसाठी अंडरवर्ल्ड डॉन दाऊद इब्राहिम याने कट रचला आहे, असे या ऑडिओ मेसेजमध्ये म्हटले आहे. मुस्ताक अहमद आणि मुस्ताक या दोघांना पंतप्रधानांच्या हत्येची सुपारी दिल्याचाही उल्लेख त्यात आहे. 

मुंबई वाहतूक पोलिसांना हा मेसेज आला आहे. या प्रकरणी वरळी पोलिस ठाण्यात एफआयआर दाखल करण्यात आला आहे. पोलिसांनी तातडीने तपास सुरू केलाय.  मेसेज पाठवणार्‍याचा शोध सुरू केलाय. पंतप्रधान मोदी यांना यापूर्वीही अशी जीवे मारण्याची धमकी आली असल्याने पोलिस अधिक दक्ष आहेत. पंतप्रधान मोदी यांना ठार मारण्याची यावर्षी ऑगस्ट महिन्यातही धमकी आली होती. त्यात ’एनआयए’ला एक मेल आला होता. त्यात पंतप्रधान नरेंद्र मोदी यांना ठार मारण्यासाठी 20 स्लीपर सेल तयार आहेत. त्यांच्याकडे 20 किलो आरडीएक्स आहे, असे म्हटले होते. शिवाय ई-मेल पाठवणार्‍याने आपले दहशतावद्यांशी संबंध आहेत. या कटाचा खुलासा होऊ नये म्हणून आपण आत्महत्या करत असल्याचे म्हटले होते.