पैसे घेऊन ये तरच तुला नांदवतो; विवाहितेने पुढे केले वेगळेच

  माहेरून पैसे आणण्याची मागणी करत विवाहितेचा छळ अहमदनगर । नगर सह्याद्री  आई-वडिलांकडून घर संसारासाठी व नवीन घर घेण्यासाठी पैसे घेऊन ये तरच म...

 

माहेरून पैसे आणण्याची मागणी करत विवाहितेचा छळ

अहमदनगर । नगर सह्याद्री 

आई-वडिलांकडून घर संसारासाठी व नवीन घर घेण्यासाठी पैसे घेऊन ये तरच मी तुला नांदवतो, असे म्हणून विवाहितेला मारहाण केल्याप्रकरणी पतीसह तिघांविरूद्ध येथील तोफखाना पोलीस ठाण्यात गुन्हा दाखल करण्यात आला आहे.

पीडित विवाहितेने फिर्याद दिली आहे. पती गणेश अजिनाथ शिरसाठ, सासरे आजिनाथ शिरसाठ, सासु गंगाबाई आजिनाथ शिरसाठ (सर्व रा. टेंभुणी ता. शिरूर कासार, जि. बीड) अशी गुन्हा दाखल झालेल्यांची नावे आहेत.

23 जून 2022 रोजी फिर्यादी यांचे लग्न गणेश शिरसाठ यांच्यासोबत झाल्यानंतर त्यांनी सिन्नर (जि. नाशिक) येथे काही दिवस व्यवस्थित संसार केला. नंतर मारहाण करून दिवसातून एकदा जेवन देत, कधीकधी उपाशी पोटी ठेवत असे. त्यानंतर ते शेवगाव येथे भाड्याने रूम घेवून राहत होते.

तेव्हा पती गणेश फिर्यादीला नेहमी मारहाण करून त्रास देत. तु तुझ्या आई-वडिलांकडून आपल्याला घर संसारासाठी व नवीन घर घेण्यासाठी पैसे  घेऊन ये तरच मी तुला नांदविल असे म्हणून शिवीगाळ करत असे. त्यानंतर फिर्यादी व त्यांचे पती सासरी गेल्यानंतर सासरे आजिनाथ व सासू गंगाबाई शिरसाठ यांनी दोघांना घरात घेतले नाही. फिर्यादी यांनी भरोसा सेलकडे तक्रार दाखल केली होती. तेथे समझोता न झाल्याने अखेर तोफखाना पोलिसांत गुन्हा दाखल करण्यात आला आहे.