करण जोहरने ब्रह्मास्त्रबाबत केला मोठा खुलासा

मुंबई :   ब्रम्हास्त्र हा चित्रपट बनवण्यासाठी अयान मुखर्जीला आठ वर्ष लागली. दरम्यान ब्रम्हास्त्र पार्ट १: शिवा या चित्रपटाच्या बजेटवरून बर्‍...

मुंबई : 

ब्रम्हास्त्र हा चित्रपट बनवण्यासाठी अयान मुखर्जीला आठ वर्ष लागली. दरम्यान ब्रम्हास्त्र पार्ट १: शिवा या चित्रपटाच्या बजेटवरून बर्‍याच चर्चा रंगल्या होत्या. जाहिरातींचा खर्च वगळता या चित्रपटाचे बजेट ४१० कोटी रुपये आहे असे बोलले जात होते. याबद्दल या चित्रपटाचा निर्माता करण जोहरने एका मुलाखतीत स्पष्टीकरण देत ब्रह्मास्त्रचे गणित उलगडले आहे.

 एका मुलाखतीमध्ये त्याने ब्रम्हास्त्र पार्ट १: शिवा हा चित्रपट तयार करण्यासाठी ४१० कोटी वापरले नसल्याची माहिती दिली. करण म्हणाला, ब्रह्मास्त्र ही तीन चित्रपटांची मालिका आहे आणि हे तीन चित्रपट तयार करण्यासाठी ४१० कोटी खर्च होणार आहे. तीन चित्रपटांना एकत्रित मिळून हे बजेट असल्याने या चित्रपट मालिकेच्या फक्त एका चित्रपटासाठी किती पैसे खर्च करण्यात आले हे सांगणे कठीण आहे. 

याचे आणखीन एक कारण म्हणजे ब्रह्मास्त्र चित्रपटात भरपूर साधनं वापरण्यात आली. तिच साधनं ब्रह्मास्त्रच्या दुसर्‍या भागात आणि त्यानंतर तिसर्‍या भागात वापरली जाणार आहेत. त्यामुळे ब्रह्मास्त्रच्या सेटमधील काही गोष्टींचा पुन्हा वापर होणार आहे. पुढे त्याने सांगितले, आम्ही ब्रह्मास्त्रने किती पैसे कमावले किंवा यावर किती खर्च झाला असा विचार आम्ही करत नाही. आम्हाला प्रेक्षकांनी ब्रह्मास्त्रच्या या जगाचा स्वीकार करायला हवा आहे. कारण यात अजून बरंच काही होणार आहे. प्रेक्षकांनी चित्रपटाला खूप चांगला प्रतिसाद दिला आणि त्यामुळे आता आम्ही याचा दुसरा आणि त्यानंतर तिसरा भाग घेऊन येणार आहोत.