दोन अनोळखींकडून एकाला दांडक्याने मारहाण

अहमदनगर  | नगर सह्याद्री  दोन अनोळखी व्यक्तींनी तरूणाला लोखंडी रॉड, लाकडी दांडयाने मारहाण केल्याची घटना पाईपलाईन रोडवरील रावसाहेब पटवर्धन बँ...

अहमदनगर  | नगर सह्याद्री 

दोन अनोळखी व्यक्तींनी तरूणाला लोखंडी रॉड, लाकडी दांडयाने मारहाण केल्याची घटना पाईपलाईन रोडवरील रावसाहेब पटवर्धन बँकेसमोर मंगळवारी मध्यरात्री घडली. सागर चंदर शिंदे (वय २८, रा. शिंदेनगर, वैदवाडी) असे जखमी तरूणाचे नाव आहे. त्यांच्यावर एका खासगी रूग्णालयात उपचार सुरू आहेत.

तोफखाना पोलिसांना त्यांनी दिलेल्या जबाबावरून दोन अनोळखी व्यक्तींविरूद्ध गुन्हा दाखल करण्यात आला आहे. सागर शिंदे त्यांच्या दुचाकीवरून रात्री सव्वा बाराच्या सुमारास पाईपलाईन रोडने घराकडे जात असताना रावसाहेब पटवर्धन बँकेसमोर डिव्हायडरजवळ झाडाझुडपात लपून बसलेल्या दोन अनोळखींनी शिंदे यांच्या दुचाकीचा वेग कमी होताच त्यांच्यावर हल्ला केला. अचानक झालेल्या हल्याने शिंदे दुचाकीच्या खाली कोसळले. यानंतरही दोघांनी त्यांना लोखंडी रॉड, लाकडी दांडयाने मारहाण करून जखमी केले. शिंदे यांनी त्यांना मारहाणीचे कारण विचारले असता त्यांनी काही एक उत्तर दिले नसल्याचे फिर्यादीत म्हटले आहे. जखमी शिंदे यांना उपचारासाठी खासगी रूग्णालयात दाखल करण्यात आले आहे. अधिक तपास तोफखाना पोलीस करीत आहेत.