यंदा फटाका व्यवसायालाही बसणार महागाईचा फटका

यंदा फटायांच्या किमतीत ४०% पेक्षा जास्त दरवाढ ः श्रीनिवास बोज्जा अहमदनगर | नगर सह्याद्री तब्बल दोन वर्षांच्या प्रतीक्षेनंतर निर्बंधमुक्त दीप...

यंदा फटायांच्या किमतीत ४०% पेक्षा जास्त दरवाढ ः श्रीनिवास बोज्जा

अहमदनगर | नगर सह्याद्री

तब्बल दोन वर्षांच्या प्रतीक्षेनंतर निर्बंधमुक्त दीपावली साजरी होत असताना यावर्षी फटका विक्री व्यवसायाला विक्रमी दरवाढीचे ग्रहण लागले आहे. दोन वर्षात घटलेले उत्पादन, कच्च्या मालाच्या किमतीत झालेली कमालीची वाढ आणि पेट्रोल डिझेलच्या दरात वाढ झाल्यामुळे यंदा फटाका व्यावसायिकांना देखील या महागाईचा फटका बसला आहे अशी माहिती दि अहमदनगर फटाका व्यापारी असोसिएशन चे अध्यक्ष श्रीनिवास बोज्जा यांनी दिली.

भरमसाठ फटायाच्या किंमतीत वाढ झाल्यामुळे पिढ्यान पिढ्या फटाका विक्रीचा व्यवसाय घाऊक स्वरूपात करणारे दि अहमदनगर फटाका व्यापारी असोसिएशन चे व्यापारी हवालदिल झाले आहेत. आहे त्या किमतीच्या ३५ ते ४० टक्के वाढीव दराने व्यापार्‍यांना माल खरेदी करावा लागला आहे. याचा परीणाम किरकोळ फटका विक्री व्यवसायावर झाला आहे. नगर कल्याण रोडवर दि अहमदनगर फटाका व्यापारी असोसिएशन ने फटाका मार्केट थाटले आहे. दरवर्षी घटस्थापने पासूनच हे मार्केट सुरु होते. यावर्षी विजयादशमी च्या आसपास हे मार्केट सुरु झाले. लवकरच यामार्केटचे औपचारिक उद्घाटन मान्यवरांच्या हस्ते करण्यात येणार आहे. त्या अगोदर हे मार्केट अनौपचारिक पणे सुरु करण्यात आले आहे. मात्र वाढत्या महागाईचा फटका यावर्षी या मार्केटला सहन करावा लागण्याची शयता आहे अशी भीती फटाका व्यापारी असोसिएशन चे अध्यक्ष श्रीनिवास बोज्जा यांनी दिली आहे. ते म्हणाले कि आपण ३० वर्षांपासून हा व्यवसाय करतो. दरवर्षी न चुकता तामिळनाडू राज्यातील शिवकाशी येथे जाऊन फटाके घाऊक स्वरूपात खरेदी करतो. नगरच्या ग्राहकांना माफक दरात फटाके आमची असोसिएशन उपलब्ध करून देते.

नगरहून पुणे, शिरूर, जुन्नर, मंचर, नारायणगाव, शिक्रापूर, बीड, केज, परळी, भूम, परांडा, लातूर, उस्मानाबाद, नाशिक, मनमाड, गंगापूर तसेच नगर जिल्ह्यातील किरकोळ व्यापारी फटाका खरेदीसाठी याच मार्केटवर अवलंबून असतात. याठिकाणी ३१ स्टॉल उभारण्यात आले आहेत. व्यापारी असोसिएशनचे सचिव संतोष बोरा, उपाध्यक्ष सोमनाथ रोकडे, निखिल परभने, सहसचिव अरविंद साठे, अमोल तोडकर, विकास पटवेकर, उबेद अमानुल्ला खान, सुनील गांधी, सुनील पोपटानी, देविदास ढवळे तसेच अन्य व्यापारी पदाधिकारी,  सदस्यांचे यासाठी सहकार्य लाभत आहे.