शेंडी बायपासला अपघात, बालकाचा मृत्यू

  अहमदनगर / नगर सह्याद्री -  टेम्पोची दुचाकीला धडक बसून झालेल्या अपघातात सात वर्षीय बालकाचा मृत्यू झाला. कुणाल संतोष काळे (रा. बहिरवाडी, ता....

 

अहमदनगर / नगर सह्याद्री - 

टेम्पोची दुचाकीला धडक बसून झालेल्या अपघातात सात वर्षीय बालकाचा मृत्यू झाला. कुणाल संतोष काळे (रा. बहिरवाडी, ता. नगर) असे मयत बालकाचे नाव आहे. या अपघातात त्याचे वडिल जखमी झाले असून त्यांच्यावर येथील खासगी रूग्णालयात उपचार सुरू आहेत. नगर-औरंगाबाद रोडवरील शेंडी (ता. नगर) बायपास येथे रविवारी दुपारी साडेतीनच्या सुमारास हा अपघात झाला.

दरम्यान शेंडी बायपास रोडवर वारंवार अपघात होतात. यामध्ये अनेकांचे बळी गेले आहेत. रविवारी झालेल्या अपघातानंतर संतप्त जमावाने रास्ता रोको आंदोलन केले. यामुळे वाहतुकीची कोंडी झाली होती. संतोष काळे त्यांची पत्नी व मुलासोबत दुचाकीवरून नगरकडून बहिरवाडीकडे जात होते. त्यावेळी औरंगाबादकडून नगरच्या दिशेने येणार्‍या आयशर टेम्पोने संतोष यांच्या दुचाकीला शेंडी बायपास येथे धडक दिली. यात कुणाल जागीच ठार झाला तर संतोष काळे जखमी झाले. त्यांना तातडीने उपचारासाठी येथील खासगी रूग्णालयात दाखल करण्यात आले. दरम्यान अपघाताची माहिती मिळताच एमआयडीसी पोलिस स्टेशनचे सहाय्यक पोलीस निरीक्षक युवराज आठरे पथकासह घटनास्थळी दाखल झाले. एमआयडीसी पोलीस ठाण्यात अपघाताची नोंद करण्यात आली आहे.